Azərbaycan, Bakı, 31 yanvar / Trend , müxbir İ.Xəlilova / Azərbaycan hökuməti iqtisadi əməkdaşlıq üzrə Dövlət Komissiyasının V birgə iclasının tarixini Yaponiya ilə razılaşdırıb. İclasın fevralın 25-26-da keçirilməsi nəzərdə tutulub, -- Azərbaycan tərəfindən komissiyanın həmsədri Abid Şərifov deyib. Yaponiya tərəfindən komissiyaya Yaponiyanın "Itochy Corporation" şirkətinin vitse-perzidenti Yokota Akira başçılıq edəcək.
Hazırda iclasın gündəliyinin müzakirəsi gedir.
"Yaponiya tərəfi gələcək görüşdə müzakirə ounacaq məsələləri müəyyənləşdirib və razılaşdırma üçün Azərbaycan tərəfinə təqdim edib". - ölkənin Nazirlər Kabinetindən qeyd edilib.
Əvvəlki iclas 2006-cı ilin noyabrında Bakıda keçib. İclas zamanı iqtisadi əlaqələrin genişləndirilməsi və dərinləşdirilməsi üzrə razılıq əldə edilib. Azərbaycan tərfi Yaponiyaya dəmir yolu və avtomobil yolu tikintisinin maliyyələşdirməsini, ölkə regionlarının su təchizatı və kanalizasiya sistemi, kənd təsərrüfatı, bərk tullantıların emalı, işgüzar dairənin dəstəyi, kondisioner istehsalının təşkili ilə bağlı problemləri həll etməyi təklif edib. Yaponiya energetika sektoruna dəstəyini davam etmək niyyətindədir.
Azərbaycanda kapital qoyuluşunun həcminə görə Yaponiya aparıcı mövqelərdədir. Gələcəkdə onlar daha da yüksələcək, çünki təklif olunan layihələr böyük investisiya tələb edir. Su təchizatı və kanalizasiya sistemlərinin bərpasına təxminən $300 mln., yol tikintisi - $200-300 mln., dəmir yolu - $150-200 mln., "Bakı kondisioneri" - $100 mln. lazımdır.
2007-ci ildə Yaponiya xətti ilə Azərbaycana təxminən $400 mln. kapital yatırılıb.
