Azərbaycan, Bakı, 13 fevral / " / 2008-ci ilin yanvarında Bakının təkrar daşınmaz əmlak bazarında yaşayış sahəsinin bir kvadrat metrinin orta qiyməti 2007-cı ilin dekabrına nisbətən 3,2 faiz artıb və $1577 təşkil edib, - çərşənbə günü "Əmlak Bazarı İştirakçıları" İctimai Birliyinin yaydığı məlumatda deyilir.
Yanvarda, bazara təklif edilən bir kvadrat metri $1577 - dan aşağı olan mənzillərin payı 7,8 faiz, bu qiymətdən yuxarı isə - 13,4 faiz təşkil edib.
Ən çox qiymət artımı Bakının ikinci (9,6 faiz) və üçüncü (1,2 faiz) zonalarında, qiymət azalması isə, birinci (-2,5 faiz) və dördüncü (-4,1 faiz) zonalarda müşahidə edilib.
Yanvarda layihələr üzrə ən çox "eksperimental" (8,4 faiz) və "yeni tikili" (7,2 faiz) layihəli mənzillərin qiymətlərində artım müşahidə edilib.
2008-ci ilin yanvar ayı ərzində təkrar bazarın təklif portfelində "yeni tikililər"in payı 22,2 faizə, "Leninqrad" layihəli mənzillərin payı 23,3 faizə bərabər olub.
Yanvarda mənzillərin şəhər üzrə orta qiymətləri 4,2 faiz artaraq $106283, orta sahəsi isə, artaraq 77,0 kvadrat metr və orta otaq sayı 2,58 - ə bərabər olub.