Azərbaycan, Bakı, 14 fevral / Trend , müxbir İ.Xəlilova / Mingəçevir toxuculuq fabrikində istehsalı bərpa etmək üçün 5 mln. manat investisiya yatırılması tələb olunur, - müəssisənin direktoru Ağasən Şükürov deyib. Bu vəsaitlərin hesabına iki min metr iplik və 14 mln. metr parça istehsalının təmin olunması nəzərdə tutulur.
Gərəkli avadanlığın (Almaniya və İsveçrə istehsalı ) alınmasına dair tədbirlər, istehsal xəttinin yenilənməsi, iş yerlərinin sayını 1000 nəfərədək genişləndirərək əlavə sexlərin yaradılması fabrikanın yaxşılaşdırılması proqramına nəzərdə tutulub. Proqram Dövlət Əmlakının İdarə Edilməsi üzrə Dövlət Komitəsinə təqdim edilib. Şükürovun fikrincə, istehsalın bərpası keyfiyyətli yerli məhsul buraxmağa imkan verəcək və Azərbaycana keyfiyyətsiz Çin malarının idlaxılının qarşısını alacaq.
Toxuculuq fabriki NATO standartları üzrə hərbi geyim üçün parça istehsalını da bərpa edə bilər.
"İlk dəfə biz belə sifarişi1997-ci ildə hərbi laboratoriyada parçanın ilkin ekspertizası əsasında aldıq, lakn hansı səbəblərdənsə, sonralar hazır məhsulun alınmasından imtina etdilər. Lakin hazırda biz yenidən bu istehsalı bərpa edə bilərik", - Şükürov deyib.
Mingəçevir toxuculuq fabriki 1999-cu ildən özəlləşdirməyə açıqdır və yalnız mülkiyyət formasının dəyişdirilməsindən sonra (səhmdar cəmiyyət) istehsal bərpa olunub. [1998-ci ildən onun fəaliyyəti dayandırılıb]. Hətta fəaliyyətinin bərpa edilməsindən sonra müəssisə məhsulun satılmasında, xüsusilə də onun hüdudlardan kənara ixracında çətinliklər görür.
Müəlliflə əlaqə saxlamaq üçün elektron ünvan - [email protected]