Azərbaycan, Bakı, 27 fevral / Trend , müxbir İ.Xəlilova / Martın 5-dək davam edəcək Beynəlxalq Valyuta Fondunun (BVF) texniki missiyası Azərbaycanın vergi sistemində potensialın və vergi daxil olmalarının proqnozlaşdırılması sisteminin qiymətləndirilməsinə başlayıb.
Vergilər Nazirliyində keçirdiyi görüş zamanı BVF missiyasının başçısı və iqtisadçısı Qaxam Qarissonun dediyi kimi, iki həftə ərzində vergi administrasiyalaşmasına dair aparılan işlərin təhlili planlaşdırılır və vergi xidmətinin fəaliyyəti ilə sıx tanış olmaq üçün Fondun ekspertləri yerli strukturların işləri ilə tanış olmaq niyyətindədirlər.
Azərbaycanın vergilər nazirinin müavini Natiq Əmirov BVF-in təklifini yüksək qiymətləndirərək onun hərtətəfli təhlili üçün hazır olduqlarını qeyd edib. Son 7-8 il ərzində vergi sisteminin islahatı prosesində Valyuta Fondunun ekspertləri fəal iştirak ediblər və onların tövsiyələri nəzərə alınıb. İslahatlar nəticəsində nazirliyin bütün strukturları ilə əlaqə avtomatlaşdırılmış vergi informasiya sistemi vasitəsilə dəstəklənir. 2007-ci ildən ölkədə elektron bəyanetmə sistemi tətbiq edilməyə başlanıb və qısa zamanda vergi ödəyicilərinin böyük hissəsi, o cümlədən ƏDV-nin 90 faiz ödəyiciləri bəyannaməni elektron formatda təqdim edirlər.
Nazir müavini həmçinin ölkədə vergi dərəcələrinin optimallaşdırılması imkanları haqqında və 2009-2012-ci illərdə vergi qanunvericiliyinin Avropa İttifaqının normalarına uyğunlaşdırılmasına dair Dövlət Proqramının hazırlanmasını qeyd edib.
"BVF missiyası proqram layihəsinin təkmilləşməsinə və onu uğurla həyata keçirilməsinə imkan yaradacaq" - Əmirov qeyd edib.
Müəlliflə əlaqə saxlamaq üçün ünvan: [email protected]
