Azərbaycan, Bakı, 03 mart / Trend , S.Əliyev/ Mart ayında Bakıda Bakı-Tbilisi-Qars marşrutu üzrə dəmiryol əlaqələrinin açılışı layihəsi üzrə Əlaqələndirmə Şurasının iclası keçiriləcək.
Görüşün gedişatında dəmiryolu xəttinin açılışı layihəsinin reallaşdırılması ilə əlaqədar müzakirələr aparılacaq. Dəmir yolu xəttinin tikintisi 2010-cu ilə nəzərdə tutulub.
"Bakı-Tbilisi-Qars" layihəsi çərçivəsində dəmiryolu magistarlının 105 kilometrlik yeni qolunun da tikintisi planlaşdırılır. Xəttin 76 kilometri Türkiyə, 29 kilometri isə, Gürcüstan ərazisindən keçəcək. Bundan əlavə, illik yük daşınmasını15 mln.tona çatdırılması üçün Gürcüstan ərazisində Axalkalaki-Marabda-Tbilisi dəmiryolunun 183 kilometrlik sahəsi yenidən qurulacaq. Qatarların Gürcüstandakı dəmiryolu xətlərindən Avropa ərazisinə keçirilməsi üçün məntəqələrin tikilməsi də planlaşdırılır. Layihə 422 mln. dollar, mövcud infrastruktur nəzərə alınmaqla 600 mln. dollar dəyərləndirilir.