Azərbaycan, Bakı, 05 mart / " müxbir Ü.İsmayılova / "Azərbaycanda sığorta xidmətlərinə tələbat artır. "Əhalinin sığorta mədəniyyəti formalaşır."- deyə çərşənbə günü Azərbaycanda fəaliyyət göstərən ən iri sığorta şirkətlərindən biri "MBASK"-ın idarə heyətinin sədri Cəmil Məlikov bildirib.
Məlikovun sözlərinə görə, ölkənin iqtisadi inkişafı nəticəsində, əhali və ayrı-ayrı şirkətlərin vəsaitləri artıb.Onlar şəxsi kapitalının mühafizəsinə ehityac duyurlar. 2007-ci ildə Azərbaycan iqtisadiyyatının inkişafı 25 faizdən artıq olub.
"Əhali yaxşı anlayır ki, biznes və kapitalın itkisi qısa müddət ərzində ödənilə bilməz. Bu vəziyyətdən yeganə çıxış yolu sığortalanmaqdır" - deyə Məlikov bildirib. O qeyd edib ki, əhali ziyanı effektiv tənzim və biznesin təhlükəsizliyini təmin etmək istəyir. Ona görə də, son zamanlar sığortaya ehtiyac artıb.
Məlikov deyib ki, sığorta şirkətlərinin 60 faiz illik inkişafını nəzərə alsaq, yaxın 10 il ərzində Azərbaycanda bazarın ümumi həcmi 1 mlrd. manatı təşkil edəcək.
Azərbaycan Maliyyə Nazirliyinin məlumatına görə, 2007-ci il üçün ölkənin bütün sığorta şirkətlərinin sığorta haqları 147,2 mln. manatı, sığorta ödənişləri 35,62 mln. manatı təşkil edib.
Müəlliflə əlaqə ünvanı: [email protected]