Azərbaycan, Bakı, 07 mart / Trend / Azərbaycan Kənd Təsərrüfatı Nazirliyi yanında Kənd Təsərrüfatı Kreditləri üzrə Dövlət Agentliyi ölkənin şimal - şərq bölgələrinin inkişafı çərçivəsində yaradılmış "Siyəzən", "Dəvəçi", "Rəhimli", "Ağalıq", "Abşeron" və "Xızı" Sudan İstifadə Edənlər Birlikləri ərazisində suvarma- drenaj sisteminin təmir - bərpası üzrə tender elan edib. Agentliyinin məlumatına görə, maraqlanan şirkətlər aprelin 16-dək, tender təklifləri isə, aprelin 24- dək qəbul olunur.
Tender aprelin 25 - də Dövlət Agentliyində keçiriləcək.
Azərbaycan hökuməti ilə Kənd Təsərrüfatının İnkişafı üzrə Beynəlxalq Fond (İFAD) "Şimal - Şərq İnkişaf Layihəsi" Abşeron, Dəvəçi, Siyəzən və Xızı ərazilərində yaşayan, 15012 ailənin həyat səviyyəsini artırmaq üçün nəzərdə tutulur. Layihənin ümumi həcmi - 25, 2 mln. dollar dəyərindədir.
