Azərbaycan, Bakı, 05 may / Trend , müxbir U.İsmayılova / Azərbaycan Sığorta Şirkətləri Assosiyası sığortaçıların ilk Beynəlxalq konfrasını keçirmək üzrə fəal işə başlayıb. Bu haqda bazar ertəsi assosiyasiyanın icraçı direktoru Qafar Məcidov bildirib. Konfransın keçirilməsi iyul ayına planlaşdırılıb.
Məcidovun sözlərinə görə, konfransda dünyanın iri sığorta, təkrar sığorta şirkətləri iştirak edəcək.
"Keçiriləcək konfransın əsas məqsədi, əcnəbi investisiyaların cəlb olunması, yerli şirkətlərlə əməkdaşlıq edən təkrar sığorta şirkətlər siyahısını genişləndirməkdir",- deyə Məcidov əlavə edib.
Azərbaycan Sığorta Şirkətləri Assosiyası 2006-cı il dekabrın 29-da təsis edilib. Assosiasiyanın müşahidə şurasına (MŞ) ölkənin beş sığorta şirkəti - MBASK, Standard Insurance, Beynəlxalq Sığorta Şirkəti, Azersigorta, Ateshgah daxildir.
MŞ-ın sədri Standard Insurance SŞ-nin baş direktoru Kamal İbrahimov, sədrin müavini MBASK SŞ idarə heyətinin sədri Cəmil Məlikovdur.
Müəlliflə əlaqə saxlamaq üçün elektron ünvan: capİ[email protected]
