Azərbaycan, Bakı, 06 may/ Trend , müxbir İ.Xəlilova/ İstehsal avadanlığının buraxılması sahəsi istisna olmaqla, Azərbaycan İordaniya ilə, demək olar ki, bütün sahələrdə - kənd təsərrüfatı, əczaçılıq məhsulları, tikinti materialları istehsalı sahələrində əməkdaşlığın genişlənməsini gözləyir. Bu barədə çərşənbə axşamı Azərbaycanın iqtisadi inkişaf nazirinin müavini Mikayıl Cabbarov Azərbaycan-İordaniya biznes-forumunun yekunları ilə bağlı bildirib.
"Bizim ölkələrimiz arasında əməkdaşlıq üçün geniş imkanlar mövcuddur və mayın əvvəlində Bakı-Əmman reysinin açılması işgüzar insanlar arasında əlaqələrin qurulmasına, turizmin inkişafına yardım edir", - nazir müavini qeyd edib.
Biznes-forumda İordaniyadan 88 işgüzar şəxs iştirak edir, 36 şirkətin pavilyonu isə, II İordaniya Milli Sərgisində təqdim olunub. Azərbaycan tərəfdən 150 işgüzar şəxs iştirak edir.
İordaniyanın işgüzar imkanları ilk dəfə olaraq iki il əvvəl təmsil olunub.
Nazir müavini hesab edir ki, indiki görüşdən sonra qarşılıqlı layihələrin reallaşdırılmasına olan maraq genişlənəcək. Mayın 5-də Bakıda imzalanan qarşılıqlı investisiyaların müdafiəsi və ikiqat vergitutmanın aradan qaldırılması haqqında Sazişlər bunun üçün stimul olacaq.
Bu ölkədə təbii ehtiyatlar yoxsa da, bu gün Azərbaycan üzrə ümumi ÜDM-də əhalinin adambaşına düşən gəlirin xüsusi çəkisi İordaniyada ÜDM-də adambaşına düşən gəliri 10-12 faiz ötür.
"Bu, İordaniya iqtisadiyyatının rəqabətqabiliyyətli qeyri-neft mallarının AR-a ixracı üçün yaxşı imkanlara malik olduğunu göstərir", - Cabbarov bildirib.
2007-ci ilin yekunları üzrə Azərbaycan və İordaniya arasında mal dövriyyəsi $1 291,8 min (AR-ın ümumi mal dövriyyəsinin 0,01faizi) təşkil etməsinə baxmayaraq, nazir müavini hesab edir ki, əlaqələrin intensivləşdirilməsi nəticəsində, 2008-ci ildə ticarət münasibətləri yaxşılaşacaq.
İordaniya ilə əməkdaşlıq qeyri-neft sahələri üzrə aparılır və Cabbarov hesab edir ki, investisiya qərarlarının qəbulu vaxt tələb edir. Bundan əlavə, Azərbaycan üçün də azad iqtisadi zonanın yaradılması, o cümlədən ölkənin bu prosesdə qarşılaşa biləcəyi problemlərə dair İordaniyanın təcrübəsi çox vacibdir. Azərbaycanın İqtisadi İnkişaf Nazirliyi "Azad iqtisadi zonalar haqqında" Qanun layihəsini artıq prezident Administrasiyasına təqdim edib.
Müəlliflə əlaqə saxlamaq üçün elektron ünvan: [email protected]
