Bakı. Trend:
Misir-Qəzza zolağı sərhəddindəki "Rəfah" buraxılış məntəqəsi “növbəti xəbərdarlığa qədər” bağlı qalacaq.
Trend-in məlumatına görə, bu barədə İsrailin baş naziri Benyamin Netanyahu bildirib.
Onun sözlərinə görə, onun açılması məsələsinə HƏMAS-ın ölən girovların qalıqlarının qaytarılması ilə bağlı razılaşmanın müddəalarını yerinə yetirməsindən sonra baxılacaq.
"Baş nazir Netanyahu bildirib ki, "Rəfah" nəzarət-buraxılış məntəqəsi növbəti xəbərdarlığa qədər açılmayacaq. Onun yenidən açılması HƏMAS-ın ölən girovların qaytarılmasında üzərinə düşən vəzifəni yerinə yetirməsi və razılaşdırılmış planı həyata keçirməsindən asılı olacaq", - deyə baş nazirin mətbuat xidməti qeyd edib.