Qazaxıstan, Astana, 12 may / Trend , müxbir K.Konırova/ Rusiyanın yeni prezidenti Dmitri Medvedevin Qazaxıstana səfəri mayın 22-23-nə nəzərdə tutulub. Bu barədə bazar ertəsi Astanada keçirilən brifinqdə Qazaxıstan XİN-in rəsmi nümayəndəsi Erjan Aşikbayev məlumat verib. "Dmitri Mendvedevin Rusiya dövlətinin yeni prezidenti qismində ilk xarici səfərini məhz Qazaxıstana etməsi ölkələrimizin straiteji tərəfdaşlığının yüksək səviyyədə olamsının təsdiqidir", - deyə o bildirib.
Aşikbayevin sözlərinə görə, səfər zamanı ikitərəfli əməkdaşlıq məsələri ətraflı müzakirə olunacaq.
Qazaxıstan XİN-in məlumatına görə, 2007-ci ildə Qazaxıstan və Rusiya arasında mal dövriyyəsi 16,3 mlrd. dollar təşkil edib. Bu göstərici 2006-cı il ilə müqayisədə 27 faiz çoxdur. Cari ilin birici rübündə ölkələr arasında mal dövriyyəsi, ötən ilin analoji dövr göstəricilərinə nisbətdə 26 faiz artaraq, 4,13 mlrd. dollar təşkil edib.