Azərbaycan, Bakı, 26 may/ Trend müxbir Ü.İsmayılova/ Azərbaycan İnvestisiya Şirkəti (AİŞ) gəmiqayırma zavodunun yaradılması üzrə məsləhətçinin seçilməsi üzrə tender elan edib. Bu barədə bazar ertəsi AİŞ-in icraçı direktoru Anar Axundov məlumat verib.
"Layihənin texniki-iqtisadi əsaslandırılmasının hazırlanmasından sonra zavodun tikintisi üçün bütün şərtlər açıqlanacaq", - Axundov bildirib.
Azərbaycanın Dövlət Neft Şirkəti (ARDNŞ), Azərbaycan İnvestisiya Şirkəti (AİŞ) və Koreynaın STX şirkəti mayın 19-da Bakıda Azərbaycanda gəmiqayırma zavodunun tikintisinə dair memorandum imzalayıblar. ARDNŞ-ın layihədə iştirak payı 65 faiz, AİŞ - 10 faiz, STX isə 25 faiz təşkil edir.
Axundovun sözlərinə görə, AİŞ layihədə təklif olunan 10 fazilə kifayətlənməyəcək və bu iri layihə üçün əlavə maliyyələşdirmə cəlb edəcək.
Mövcud TİƏ variantına əsasən, yeni zavodun tikintisi $400 mln. başa gələcək (limanın tikintisinə olacaq xərclər nəzərə alınmadan). Obyektin istismara verilməsə 2011-ci ildə gözlinilir.
Gəmiqayırma zavodu Azərbaycanın Qaradağ rayonunda yeni neft terminalı və limanın tikintisi layihəsinə bir növ əlavə olacaq. Bu terminal vasitəsilə sonradan Bakı-Tbilisi-Ceyhan kəmərilə Avropaya tranzit üçün Qazaxıstan nefti nəql ediləcək. Qazaxıstan tankerləri Xəzər regionun digər gəmiləri kimi, AR-nın gəmiqayırma zavodundan təmir edilə bilərlər. Güman edilir ki, regionda analoji müəssisə olmayacaq və gəmilərin tikintisi üçün sifarişlər həm ölkə daxili, həm də ölkə xaricindən qəbul ediləcək.
Müəlliflə əlaqə saxlamaq üçün elektron ünvan: [email protected]