Azərbaycan, Bakı, 29 may / Trend / İyunun sonunda Kiyevdə Azərbaycan-Ukrayna hökumətlərarası komissiyasının VIII iclası keçiriləcək. Bu haqda Ukraynanın Azərbaycandakı səfiri Boris Klimçuk cümə axşamı mətbuat konfransında bildirib.
Ukrayna tərəfi Azərbaycan-Ukrayna hökumətlərarası komissiyasının milli tərkibini artıq təsdiq edib. Klimçuk qeyd edib ki, Ukrayna tərəfindən komissiyanın həmsədri Ukrayna Baş nazirinin müavini Qriqori Nemirə təyin olunub.
"Hökumətlərarası komissiya Kiyevdə iyunun sonunadək keçirilməsi ehtimal olunur. Hazırda komissiyanın gündəliyində müzakirə olunacaq məsələlər razılaşdırılır", - səfir bildirib.
