Azərbaycan, Bakı, 24 iyul/ Trend müxbir E.İsmayılov/ "Azadlıq Prospekti" metro stansiyasında tikinti işlərini 2009 - cu ilin dekabrında başa çatdırmaq planlaşdırılır. Bu barədə cümə axşamı metropoliten rəhbərliyindən məlumat veriblər. Metro stansiyası səkkizinci mikrorayonda yerləşəcək (Bakının Binəqədi rayonu).
"Metro stansiyasında işlərin həcmi çox böyükdür. Lakin biz tikinti işlərini 2009 - cu ilin oktyabrında başa çatdırmaq istəyirik", - metropolitendən bildiriblər.
Yaxın vaxtlarda ventilyasiya kamerasının tikintisinə başlanılmalıdır. Birinci və ikinci vestibülün, həmçinin, platformanın tikintisi başa çatıb. Yeni metro stansiyası yol inkişafı ilə olacaq (bu stansiyada qatarlar dönəcək və əks istiqamətdə hərəkət edəcəklər).
Bakı metropoliteni, İçəri Şəhər stansiyasından Nəriman Nərimanov stansiyasınadək üç aralıq stansiya ilə, 1967- ci ildən fəaliyyət göstərir. Metropolitenin yeddi stansiyası (İçəri Şəhər, Sahil, 28 may, Cəfər Cabbarlı, Xətai, Nizami, Elmlər Akademiyası) dərin enişli, Bakmil - yerüstü, qalanları isə, sütunlu, dayaz enişlidir (cəmi 20 stansiya).
Müəlliflə əlaqə saxlamaq üçün elektron ünvan: [email protected]
