Gürcüstan, Tbilisi, 30 iyul/ Trend , müxbir N.Kirtsxaliya/ Gürcüstanın TBC Bank-nın Tbilisidə yerləşən baş ofisində bankın rəhbərliyi və AYİB arasında uzunmüddətli maliyyələşdirmə haqqında saziş imzalanıb. Bu barədə Trend -ın Gürcüstandakı xüsusi müxbiri məlumat verib.
Gürcüstan bankı AYİB-dən beş il müddətinə $35 mln. kredit vəsaiti alacaq. Bu vəsait əsasən kiçik və orta sahibkarlığa (KOS) uzunmüddətli kreditlərin ayrılmasına yönəldiləcək. Belə növ kreditlərə böyük tələbat var. Gürcüstanın bank sektorunun yüksək inkişaf səviyyəsinə baxmayaraq, KOS-un maliyyələşdirilmə göstəricisi aşağıdır.
Sazişi AYİB-in Qafqaz və Belarusda regional direktoru Maykl Deyv və TBC Bank-ın birinci vitse-prezidenti Paata Qadzadze imzalayıb.
Müəlliflə əlaqə saxlamaq üçün elektron ünvan: [email protected]
