...

Azərbaycanın Dövlət Dəmir Yolu yeni sərnişin vaqonları alacaq

Biznes və iqtisadiyyat xəbərləri Materials 30 İyul 2008 16:52 (UTC +04:00)

Azərbaycan, Bakı, 30 iyul/ Trend , müxbir Ü.İsmayılova/ "2008 -2011- ci illərdə Azərbaycanın dəmir yolunun inkişafı Dövlət Proqramı" çərçivəsində 50 yeni sərnişin vaqonu və 50 yeni lokomotiv almaq planlaşdırılır. Bu barədə çərşənbə günü Azərbaycan Dövlət Dəmir Yolunun baş mühəndisi Qurban Nəzirov məlumat verib.

"Hazırda sərnişin qatarları çatışmır və bununla əlaqədar Dövlət Proqramı çərçivəsində 50 yeni sərnişin vaqonun alınması nəzərdə tutulub", - Nəzirov söyləyib.

Nəzirovun sözlərinə görə, bir sərnişin vaqonunun qiyməti təqribən $0,5 mln. təşkil edir.

Azərbaycanın Dövlət Dəmir Yolu (ADDY) Proqram çərçivəsində Koreyadan 50 yeni lokomotiv almaq niyyətindədir. Bir lokomotivin dəyəri təqribən $5-6 mln.

təşkil edir.

Yeni lokomotivlərin dəyişən cərəyandan istifadə ilə işləyəcəklər (hazırda dəmir yolunun elektrovozları daimi cərəyanda işləyirlər). ADDY-nin Dünya Bankı ilə birgə həyata keçirdiyi layihə çərçivəsində dəyişən cərəyana keçid nəzərdə tutulur.

Müəlliflə əlaqə saxlamaq üçün elektron ünvan: [email protected]

Xəbər lenti

Xəbər lenti