Azərbaycan, Bakı, 07 avqust / Trend , müxbir P.Əliyeva/ "Gilan Holding" şirkəti Azərbaycanın Lənkəran rayonunda istehsal gücü sutkada 120 ton, ildə 500 min ton olan konserv zavodunun tikintisini həyata keçirir.
Bölgənin istehsal etdiyi kənd təsərrüfatı məhsullarını realizə etmək gücündə olacaq zavodun ümumi ərazisi 2 hektardır.
Tikinti quraşdırma işlərinin 50 faizinin görüldüyü zavodda eni 18 metr, uzunluğu 73 metr olan soyuducu kamera da tikilir.
Lənkəran Şəhər İcra Hakimiyyəti başçısının sosial-iqtisadi məsələlər üzrə müavini İlkin Rəhimov "Gilan Holdinq" tikinti şirkəti tərəfindən inşa edilən zavodda İtaliya istehsalı olan ən müasir avadanlıqların quraşdırılacağını vurğulayaraq, burda 100-dək çeşiddə məhsul istehsal ediləcəyini bildrib. Zavodda 500 nəfər işlə təmin olunacaq.
Zavodun tikintisinin 2009 -ilin ortalarınadək başa çatdırılması nəzərdə tutulub.