Azərbaycan, Bakı, 23 avqust/ Trend , müxbir Ü.İsmayılova/Yanvar-iyulda Azərbaycandan MDB ölkələrinə $1 287 072,4 min dəyərində mal idxal edilib ki, bu da ölkənin ümumi idxalının 33 faizini təşkil edir, - şənbə günü Dövlət Gömrük Komitəsindən bildiriblər.
MDB-dən Azərbaycana taxıl bitkiləri, quru nəqliyyat vasitələri, qara metallurgiya məhsulları, avadanlıq və mexaniki qurğular gətirilib.
Azərbaycanın MDB-yə ixrac mallarının məbləği $919 690,6 min (ümumi ixracın 42,65 faizi) olub.
MDB ölkələrinə əsas etibarilə mineral yanacaq, şəkər, qənnadı məmulatları, neft məhsulları, kimyəvi maddələr, heyvan və bitki mənşəli yağları, pambıq, tərəvəz və meyvə ixrac edilib.
MDB ölkələri ilə aparılan idxal-ixrac əməliyyatları üzrə $367 381,9 min dəyərində mənfi qalıq yaranıb.