...

Azərbaycanda Meyvə Korporasiyasının yaradılması müddətinə yenidən baxılıb

Biznes və iqtisadiyyat xəbərləri Materials 1 Sentyabr 2008 20:18

Trend-i buradan izləyin

Azərbaycan, Bakı, 01 sentyabr/ Trend , müxbir İ.Xəlilova/ "Azərbaycanda Azeri Fruit Co Meyvə Korporasiyasının yaradılması planları Azərbaycanın İxrac və İnvestisiyaların Təşviqi Fondunda (AZPROMO) təşkilati məsələlərin həlli ilə əlaqədar 1 - 1,5 aya təxirə salınır", - AZPROMO -nun İxracın Təşviqi Departamentinin direktoru Emil Əliyev bazar ertəsi bildirib.

AZPROMO Azeri Fruit Co-nun təşkilinə cavabdeh və Meyvə Korporasiyasının yaradılmasına dair üçtərəfli memorandumda tərəfdaşlardan biridir. İyulun 1-də SAF və Garnet (MilkPro şirkətinə daxildir), Azərbaycan İnvestisiya Şirkəti və AZPROMO arasında Azeri Fruit Co-nun yaradılması üzrə üçtərəfli Niyyət Memorandumu imzalanıb. Bu sənədə müvafiq olaraq, AİŞ qarşısında beynəlxalq maliyyə institutları, o cümlədən strateji və portfel sərmayədarlardan əlavə vəsait cəlb etməklə, bu layihənin maliyyələşdirilməsi vəzifəsi qoyulub. Beynəlxalq Maliyyə Korporasiyası artıq layihədə maraqlı olduğunu bildirib.

Hazırda xarici banklarla danışıqlar aparılır.

"Ümumilikdə bu layihəyə maraq böyükdür, - Əliyev bildirib. - Lakin bu mərhələdə layihənin maliyyələşdirilməsi ilə bağlı problem yoxdur və başlıcası, Korporasiyanın təsis edilməsinə dair təşkilati məsələlərin həllidir".

Layihənin dəyəri şirə istehsalçılarının Azeri Fruit, Co.-ya verəcəkləri aktivlərin həcmindən asılıdır.

SAF və "Garnet" Korporasiyanın əsas səhmdarları olacaqlar. Lakin onların siyahısının gələcəkdə artacağı istisna deyil. AİŞ-in Korporasiyada iştirak payı 25 faizi ötməyəcək.

Korporasiya yerli şirə istehsalçılarının xarici bazarlarda təmsilçisi rolunu oynayacaq, istehsalın beynəlxalq standartlara uyğun vəziyyətə gətirilməsinə yardım edəcək, vahid brend altında ixraca çıxacaq. Azərbaycanda Meyvə Korporasiyasının yaradılması şirə istehsalçıları və tərəvəz müəssisələrinin səylərini birləşdirmək məqsədi daşıyır.

Sentyabrın 1-nə olan cari mübadilə məzənnəsi -- 0,814 AZN/USD.

Müəlliflə əlaqə saxlamaq üçün elektron ünvan [email protected]

Xəbər lenti

Xəbər lenti