Azərbaycan, Bakı, 01 sentyabr / Trend , müxbir Ü.İsmayılova/ İyulda Bakının tikinti materialları bazarında qiymətlər, iyun ayının göstərici ilə müqayisədə, 0,6 faiz azalıb, "Əmlak Bazarı İştirakçıları" İctimai Birliyindən bazar ertəsi bildiriblər. İlin əvvəlindən tikinti materiallarının qiyməti 10,6 faiz, 2007- ci ilin analoji dövrü ilə müqayisədə isə, 8,6 faiz azalıb.
Ay ərzində 38 növdə və 84 çeşiddə tikinti materialı üzrə monitorinq aparılıb. Onların beşində artım, 16 - da azalma müşahidə olunub, 63 növün qiyməti sabit qalıb.
Tikinti materiallarından, əsasən, borular (1,4 faiz) və tikinti daşı (0,5 faiz) bahalaşıb. Qiymətlərin azalması şüşə (4,8 faiz), taxtapuş örtüyü (2,4 faiz), asma tavanlar (2,2 faiz), kərpic (1,3 faiz), izolyasiya materiallarında (1,4 faiz) müşahidə edilib.
Birliyin monitorinqinin yekunlarına görə, qiymətlər, əsasən, mövsümi göstəricilərlə bağlı azalıb.
Müəlliflə əlaqə saxlamaq üçün elektron ünvan [email protected]
