...

Azərbaycanın sığorta şirkəti müddətsiz lisenziya alıb

Biznes və iqtisadiyyat xəbərləri Materials 17 Sentyabr 2008 12:55

Trend-i buradan izləyin

Azərbaycan, Bakı, 17 sentyabr / Trend , Ü. İsmayılova/ Azərbaycan Maliyyə Nazirliyi "Star Alliance" sigorta şirkətinə sığorta fəaliyyəti aparmaq üçün müddətsiz lisenziya verib.

Azərbaycanın sığorta şirkətlərinə müddətsiz lisenziyaların verilməsi 2008-ci il martın 15-də qüvvəyə minmiş "Sığorta fəaliyyəti haqqında" qanunla nəzərdə tutulub.

Maliyyə Nazirliyi 2007-ci il sentyabrın 28-də "Star Alyans" sığorta şirkətinin fəaliyyətini müvəqqəti olaraq dayandırmışdı. Rüblük yoxlamalar aparılarkən "Star Alyans"ın fəaliyyətinin sığorta haqqinda qanunun N46-cı maddəsinin dördüncü bəndi ilə ziddiyyət təşkil etdiyi aşkar edilmişdi. Qanuna əsasən, şirkətin şəxsi kapitalı Nizamnamə kapitalından az olmamalıdır. Qüvvədə olan qanunvericiliyə əsasən, sığorta şirkətlərinin minimal Nizamnamə kapitalı 700 min manat olmalıdır.

Azərbaycan Maliyyə Nazirliyi təkrar yoxlamalardan sonra dekabrın 24-də "Star Alyans"ın lisenziyasını bərpa edib.

Müddətsiz lisenziyanı "Gunay Anadolu Sigorta", "Azergarant", "A-Group" sığorta şirkətləri və "Azerbaijan insurance broking"  və "AON Azeri Sigorta"nın iki sığorta brokeri də alıb.

Azərbaycanda 29 sığorta şirkəti fəaliyyət göstərir.  

Xəbər lenti

Xəbər lenti