Azərbaycan, Bakı, 17 sentyabr/ Trend / Dövlət Statistika Komitəsinin məlumatına əsasən, yanvar - avqustda Azərbaycanın nəqliyyat sektoru 119,3 mln. ton müxtəlif yük daşıyıb ki, bu da 2007 - ci ilin yanvar- avqustundan10,6 faiz çoxdur.
Daşınmış yüklərin ümumi həcminin 6 9,1 faizi özəl sektorun payına düşüb. Yanvar - avqustda daşınmış yüklərin 46 faizi avtomobil nəqliyyatı, 32,1 faizi boru kəmərləri, 15,6 faizi dəmir yolu, 6,3 faizi dəniz nəqliyyatının payına düşür.
Yanvar - avqustda sərnişin nəqliyyatı ilə799,8 mln. nəfər daşınıb ki, bu da ötən ilin yanvar -avqustundan 7,4 faiz çoxdur. Sərnişin daşınmalarının 83,3 faizi özəl sektorun payına düşür. Sərnişinlərin əsas hissəsi avtomobil nəqliyyatı (83,3 faiz) və metro (16 faiz) ilə daşınıb.
Dəmir yolu nəqliyyatı 18,6 mln. ton müxtəlif yük daşıyıb ki, bu da təxminən 2007-ci ilin yanvar-avqustu üzrə göstəricidən 1 faiz azdır.
Dəniz nəqliyyatı ilə 7,6 mln. ton müxtəlif yük daşıyıb. Bu , ötən ilin analoji göstəricisindən 12,3 faiz çoxdur. Daşınan yüklərin 65,8 faizi neft və neft məhsulları, 34,2 faizi quru yüklərin , daşınmış yüklərin bütün həcmi isə, beynəlxalq əməliyyatların payına düşür.
Yanvar-avqustda Azərbaycanın limanlarında emal edilmiş yük həcmi 3,7 mln. ton təşkil edib. Bu, 2007- ci ilin yanvar-avqustundan 4,6 faiz çoxdur.
Avtomobil nəqliyyatı 54,9 mln. ton - 2007-ci ilin yanvar-avqustundan 7,3 faiz çox yük daşıyıb. Sərnişin daşınmalarının həcmi 666,6 mln. nəfər olub (6,4 faiz artıb). Sərnişinlərin 96,7 faizi avtobuslar, 3,3 faizi minik avtomobilləri ilə daşınıb.
Metropoliten tərəfindən sərnişin daşınmalarının həcmi 128,2 mln. nəfər olub və 13,6 faiz artıb.
Hava nəqliyyatı ilə sərnişin daşınmaları 10,7 faiz azalıb və 917,4 min nəfər olub. Bu növ sərnişin daşınmalarının 6,9 faizi qeyri - dövlət sektorunun payına düşür.
Magistral neft kəmərləri ilə 31,2 mln. ton neft nəql edilib. Bunun dörddə üçü Bakı -Tbilisi -Ceyhan boru kəmərinin payına düşür. 2008 - ci ilin yanvar- avqust ayları ərzində Bakıdan 23,5 mln. ton neft göndərilib. Magistral neft kəmərləri ilə nəql edilmiş ümumi həcm, ötən ilin analoji dövrü ilə müqayisədə, 16,5 faiz artıb.
Ötən ilin yanvar - avqustunda magistral qaz kəmərləri ilə 7,1 mlrd. kubmetr qaz nəql edilib. Bu göstərici 2007- ci ilin eyni dövründəkindən 58,9 faiz çoxdur. Cənubi Qafqaz qaz kəməri ilə 3 mlrd. kubmetr qaz (ümumi həcmin 29 faizi) nəql edilib.
2008 - ci ilin yanvar - iyulunda Avrasiya nəqliyyat dəhlizi ilə Azərbaycandan ərazisindən 28, 2 mln. ton yük daşınıb ki, bu da 2007- ci ilin analoji dövrünün göstəricisindən 4,3 faiz çoxdur. Bu dəhliz üzrə sərnişin daşınmaları 109,6 mln. nəfərə bərabər olub (2007- ci ilin yanvar-iyulundan 5,9 faiz çox). Daşınmalardan əldə edilən gəlir 153,7 mln. manat təşkil edib ki, bu da 2007 - ci ilin yanvar-iyulundan 15,9 faiz çoxdur.
