Azərbaycan, Bakı, 26 sentyabr/ Trend , müxbir N.İsmayılova/ Azərbaycan Milli Bankı 2008 - ci ilin yanvar-avqustunda ölkənin xarici ticarət tərəfdaşlarının valyutalarına nisbətən manatın nominal effektli məzənnəsinin (NEM) ucuzlaşma templərinin yavaşımasını təsdqləyir, - AMB-dən cümə günü bildiriblər. Ümumi ticarət dövriyyəsində məzənnə 1,8 faiz, ixracda - 0,5 faiz, idxalda - 3,2 faiz artıb.
AMB - nin hesablamalarına əsasən, 2007-ci ilin sonuna nisbətən yanvar-avqustda qeyri - neft sektoru üzrə ümumi ticarət dövriyyəsində NEM bütün parametrlər üzrə 2,4 faiz artb.
Səkkiz ay ərzində ümumi ticarət dövriyyəsində nominal valyuta məzənnəsinin dəyişməsi real effektli məzənnəyə 17,3 faiz, qiymətlərin dəyişməsinə 82,7 faiz (neft sektoru nəzərə alınmaqla) təsir edib. Bu o deməkdir ki, nominal məzənnə və qiymətlərin dəyişməsi real effektli məzənnəyə artırma təsir göstərib.
2000- ci ilin dekabrı ilə müqayisədə, 2008- ci ilin yanvar-avqustunda manatın nominal effektli məzənnəsi xarici ticarətdə 13 faiz, idxalda - 5 faiz, ixracda 18,8 faiz azalıb. Qeyri -neft sektorunda ümumi ticarət dövriyyəsində manatın NEM-i 0,5 faiz, idxalda 2,4 faiz azalıb, ixracda 9,3 faiz artıb.
Müəlliflə əlaqə saxlamaq üçün elektron ünvan: [email protected]
