...

AYİB Azərbaycanda mikromaliyyələşdirmə ilə bağlı kredit razılaşmasının imzalanmasını təxirə salıb

Biznes və iqtisadiyyat xəbərləri Materials 27 Sentyabr 2008 19:06

Trend-i buradan izləyin

Azərbaycan, Bakı, 27 sentyabr/ Trend , müxbir N.İsmayılova, İ.Xəlilova/Avropa Yenidənqurma və İnkişaf Bankı (AYİB) Azərbaycan bankına $30 mln. məbləğində kreditin ayrılması ilə bağlı müqavilənin imzalanmasını təxirə salıb. AYİB -in Bakı nümayəndəliyinin rəhbəri Frensis Deleyin dediyinə görə, sentyabrda Azərbaycan bankları ilə heç bir kredit razılaşmasının imzalanması gözlənilmir.  

Halbuki hələ ötən həftə Azərbaycan mikromaliyyələşdirmə konfransında iştirak edən AYİB-in kiçik biznes qrupunun baş bankiri Oksana Pak ilin sonunadək ölkənin mikromaliyyələşdirməsinə $40 mln.məbləğində daha iki kredit xəttinin ayrılmasını bəyan edib. Onun sözlərinə görə, kredit xəttinin bir xətti üzrə müqavilənin sentyabrın sonunda imzalanması gözlənilib. O bankın adını çəkməyib və bu barədə imzalanma baş tutandan sonra elan ediləcəyini bildirib.

Kredit müqaviləsinin bağlanmasının yubanması ölkənin bank bazarındakı daxili vəziyyətlə izah edilə bilər; bankların əksəriyyəti kreditlərin verilməsi əməliyyatlarını dayandırıb. Düzdür, yaranmış vəziyyətin səbəblərindən biri banklarda vəsaitlərin məhdud olmasıdır, digər səbəb isə, dünya maliyyə böhranının artan sürəti ilə bağlı, müştəri bazasının formalaşdırılmasına ehtiyatlı yanaşmadır.

Hər bir halda, Azərbaycanın bank sektoru indi daha çox xarici boclanmada çətinlik çəkir, belə ki, Gürcüstandakı və Rusiyanın fond bazarındakı vəziyyət, ölkəyə pul vəsaitlərinin daxil olmasında və banklar vasitəsilə aparılan əməliyyatlarda öz təsirini göstərib.

2008 - ci il ərzində AYİB maliyyə, kommunikasiya, turizm və digər sektorları əhatə edən və ümumi dəyəri 25 mln. avro olan 10 layihəni təsdiq edib. Avropa Bankı cari ildə Azərbaycanda ümumi məbləği 140 -180 mln. avro olan 18 layihənin maliyyələşdirilməsinin mümkünlüyünü nəzərdən keçirir. Onlardan səkkizi kiçik layihədir və sahibkarların maliyyələşdirilməsinə yönəlib, lakin ikisi -üçü biznes fəaliyyətilə bağlıdır. Bank sektorunun gücləndirilməsinə, orta hesabla, 60 mln. avro ayrılması planlaşdırılıb. Vəsaitlər kiçik və orta biznesə, ipoteka kreditləşməsinə, mikromaliyyələşdirməyə hesablanıb.

Azərbaycan 1992-ci ildən AYİB-in üzvüdür. Əməkdaşlıq dövrü ərzində Azərbaycanın bütün infrastruktur layihələri, demək olar ki, AYİB-in iştirakı ilə keçirilib. Ötən il AYİB 1,1 milyard mənfəət əldə edib.

2007 - ci ildə Azərbaycanda layihələrin maliyyələşdirilməsi üçün $182 mln.ayrılıb. 2006 - cı ildə bu göstərici $120 mln səviyyəsində olub.

Avropa Bankı Azərbaycanda fəaliyyətə başlayandan bəri, onun Azərbaycanın layihələrində şəxsi maliyyələşdirmə portfeli $1 milyard, maliyyələşdirilmiş layihələr nəzərə alınmaqla isə, $4 milyard təşkil edir.     

Sentyabrın 27-nə rəsmi valyuta məzənnəsi 0,807 AZN/USD-dır.

Xəbər lenti

Xəbər lenti