Azərbaycan, Bakı, 06 oktyabr/ Trend , müxbir S.Babayeva/ Cari ilin yanvar - avqustunda Naxçıvan Muxtar Respublikasında (NMR) sənaye istehsalının həcmi (Məhsul istehsal edilib və sənaye xarakterli xidmət göstərilib) 105 mln. manatı ötüb, 2007 - ci ilin analoji dövrü ilə müqayisədə təqribən 15 faiz artıb. Bu barədə Muxtar Respublikanın Bakıdakı daimi nümayəndəliyindən bildiriblər.
Ümumi sənaye istehsalı strukturunda 77,9 faiz məhsul istehsalı, təqribən 20 faiz isə, göstərilən xidmətlərin payına düşüb.
Hasilat sənayesinin ümumi sənaye istehsalında xüsusi çəkisi 0,3 faiz, emaledici sənayenin 82,4 faiz, elektrik enerjisi və su sektorunun payı isə, 17,3 faiz təşkil edib.
Səkkiz ay ərzində qeyri - dövllət sektoru hesabına 86 mln. manatlıq, dövlət sektorunun hesabına isə, 18 mln. manatlıq məhsul istehsal olunub.
Oktyabrın 6 - na olan cari məzənnə 0,8101 AZN/USD təşkil edir.
Məqalə müəllifi ilə əlaqə ünvanı - [email protected]
