Azərbaycan, Bakı, 09 oktyabr/ Trend , müxbir N.İsmayılova/ Qara dəniz Ticarət və İnkişaf Bankının (QTİB) səhmdarları İdarəçilər Şurasının İstanbulda keçirilən iclasında kapitalın $1,5 mlrd. qaldırılması barədə razılığa gəliblər.
Bankın 11 səhmdarının hamısı ümumi məbləği 1 mlrd. SDR ($1,5 mlrd.) olan səhm ödəmələrini imzalayıblar. QTİB -in elan olunmuş kapitalının üç dəfə artırılaraq 3 mlrd. SDR -ə ($4,5 mlrd.) çatdırılması barədə qərar Şura tərəfindən hələ 2007-ci ilin dekabrında qəbul olunub. Ödəniləcək səhm kapitalı ikiqat artırılaraq 2 mlrd. SDR-ə çatdırılacaq.
Yeni ödəmələr nəticəsində QTİB -in yeni səhmləri səhmdarlar arasında bu formada bölüşdürüləcək: Yunanıstan, Rusiya və Türkiyə hər biri 16,5 faiz, Bolqarıstan, Rumıniya və Ukrayna 13,5 faiz, Azərbaycan 5 faiz, Albaniya 2 faiz, Ermənistan və Moldova, hər biri 1 faiz, Gürcüstan isə, 0,5 faiz.
Səhmdarlar QTİB və onun missiyasını regional əməkdaşlığın irəliləməsi və banka üzv dövlətlərdə iqtisadi inkişaf məsələlərinin həllində dəstəklədiklərini bildiriblər. Onlar yeni regiolnal iştirakçıların, beynəlxalq bank və maliyyə institutlarının cəlb edilməsi yolu ilə bank üzvlərinin genişləndirilməsi üzrə strateji öhdəlikləri təsdiq ediblər.
Müəlliflə əlaqə saxlamaq üçün elektron ünvan- capital@trend.