Azərbaycan, Bakı, 13 oktyabr / Trend , müxbir İ.Xəlilova/ National Bank of Pakistan-ın (NBP Bank) Bakı filialı Azərbaycanın beş bankı ilə onlara kredit xətlərinin açılması mövzusunda danışıqları başa çatdırıb, bankın Baş meneceri Sohail Əhməd (Sohail Ahmad) bazar ertəsi bildirib. Kreditləşdirmə üçün o, Kapital Bank, Azerdemiryolbank, Texnikabank, Rabitabank və AGBank-ı seçib.
їBiz hər bankın maliyyələşdirilməsinin limitini almaq üçün Baş ofisi məlumatlandırmışıqї, - bankın rəhbəri bildirib.
Bank qanunvericiliyinə müvafiq olaraq, limit borc götürən bankın kapitalının 25 faizini ötməməlidir. Sohail Əhmədin sözlərinə görə, cari həftənin sonunadək NBP Bank-ın Baş ofisindən cavabın alınacağı gözlənilir və müvafiq olaraq kreditləşdirmə gələn həftədən başlaya bilər.
Beynəlxalq kredit reytinqi və xarici borclanmanın cəlb edilməsi təcrübəsinin olması bankların seçilməsi üçün meyar olub
NBP Bank-ın filialı banklardan hər birinə $1,5-2 mln. ayırmağa hazır olsa da, yenə də kreditin həcmi hər bank üçün limitdən asılı olacaq.
Sohail Əhmədin rəyinə görə, hazırki mərhələdə bank şəxsi ehtiyatları hesabına kreditləşdirmə aparacaq, lakin zərurət yarandığı halda Baş ofis ona illik maksimum 6 dərəcə ilə vəsaitlər təqdim etməyə hazırdır. NBP-nin Bakı filialı Azərbaycan banklarını Azərbaycan Milli Bankının uçot dərəcəsindən (bu gün o 15 dərəcə təşkil edir) bir qədər yüksək dərəcə - yəni illik 15-16 faiz dərəcələr üzrə kreditləşdirmək niyyətindədir.
Bu planların realizəsi nəticəsində NBP-nin Bakı filialının kredit portfeli 6-7 mln. manatadək artacaq. Hazırda onun portfeli 250 min manat təşkil edir.
NBP Azərbaycandakı filialını 2005-ci ilin iyulunda açıb.
National Bank of Pakistan 1949-cu ildə təsis edilib. Bank Pakistan hökumətinin 75 faizlik iştirak payı ilə yaradılıb. Hazırda NBP Bank-ın 17 xarici filialı var. Onun akitvləri $12408 mln., kredit portfeli $5546 mln., depozit portfeli - $9636 mln. təşkil edir. Yatırılan sərmayələrin məbləği $3431 mln. təşkil edir. NBP Bank їsabitї proqnozu ilə їAAAї kredit reytinqinə malikdir.
Oktyabrın 13-nə olan cari mübadilə məzənnəsi -- 0,8099 AZN/USD.
Müəlliflə əlaqə saxlamaq üçün eleketron ünvan: [email protected]