...

ISR Holding IPO-ya daxil olur - məşhur biznesmen İsgəndər Xəlilovla müsahibə

Biznes və iqtisadiyyat xəbərləri Materials 17 Oktyabr 2008 14:31

Trend-i buradan izləyin

Azərbaycan, Bakı, 17 oktyabr/ Trend , müxbir Ü.İsmayılova/ ISR Holding 1995-ci ildə təsis edilib. ISR qrupuna daxil olan şirkətin fəaliyyəti yanacaq energetika kompleksi, nəqliyyat, maliyyə, xidmət və sənayeni əhatə edir.

Trend -ın məşhur biznesmen,  ISR Holding şirkətinin rəhbəri İsgəndər Xəlilovla müsahibəsi.

- Aİ və ABŞ hökumətlərə maliyyə böhranı ilə bağlı problemlərin həllinə ciddi surətdə müdaxilə etməyi təklif edir. Sizcə, bu, bazar iqtisadiyyatı sisteminə təsir edəcək?

- Bəli, və mənə elə gəlir ki, müsbət təsir göstərəcək. Çünki hökumət şirkətlərə əbəs yerə pul ayırmaq niyyətində deyil. O, bu şirkətlərin səhmlərinin əvəzinə, onların maliyyə vəziyyəti normallaşanadək pul ayırır. Bu halda şirkətlər işləyə və bizneslərini inkişaf etdirə bilərlər. Bu, şirkətlərin müflis olması və birdəfəlik bağlanmasından yaxşıdır. Mən böhran hətta Rusiyadakı biznesimə toxunacağı təqdirdə, ölkə hökumətinə yardım üçün müraciət edəcəyimi də istisna etmirəm.

- Dünya böhranının sizin biznesə hər hansı bir şəkildə təsiri olubmu?

- Biznesimin maliyyə böhranından nisbətən zərər çəkən yeganə sahəsi, Toyota Center Baku -dur. Orada tələbat 50 faiz azalıb. Əvvəllər biz 100 avtomobil stırdıqsa, indi bu rəqəm 45-50-dək azalıb. Bununla belə, mənə elə gəlir ki, kreditləşmə məsələsi aradan qalxan kimi, vəziyyət düzələcək.

-  ISR Holding tərəfindən Bakıda iri layihələrin həyata keçirilməsi hazırda hansı mərhələdədir?

- ISR Holding Bakıda orta hesabla $140 milyon yatırılacaq Hilton otelinin tikintisini davam etdirir. Onun 2011-ci ildə istismara verilməsi gözlənilir. İngiltərənin Public Areas şirkətinin layihələşdirdiyi otel 23 mərtəbədən ibarət olacaq. Hazırda Azərbaycanda bunun analoqu yoxdur. Oteldə xidməti Hilton özü təqdim edəcək və qiymətlər də onun tərəfindən təyin ediləcək.

Biz yod istehsalı üzrə zavodun layihəsinin reallaşdırılması işini də davam etdiririk. Hazırda hazır məhsul istehsal edən bir xətt işləyir. Layihə üzrə işlərin ikinci fazasının reallaşdırılması daha iki xəttin işə salınmasını nəzərdə tutur. Bu, bizim Azərbaycandakı ikinci iri layihəmizdir. İkinci faza üzrə işlərin davam etdirilməsi üçün biz Avropa Yenidənqurma və İnkişaf Bankı tərəfindən kreditin ayrılmasını gözləyirik.

- Bu yaxınlarda ISR Holding iki sığorta şirkəti alıb. Siz bildirmişdiniz ki, daha iki sığorta şirkəti almaq niyyətindəsiniz. Bu şirkətlərlə aparılan danışıqlar hansı mərhələdədir?

- Bəli, həqiqətən bizim hazırda iki sığorta şirkətimiz var. Bunlar "Atəşgah" və "Qafqaz Sığorta"dır. Biz sığorta biznesini genişləndirmək və daha iki sığorta şirkəti almaq niyyətindəyik. Mən onların adlarını, elə onların marağı baxımından çəkmirəm. Lakin onlarla danışıqlar dayandırılıb, belə ki, şirkətlərin sahibləri hələ ki, son qərar qəbul etməyiblər.

- ISR Holding hazırda Bakıda hansı layihər ürində yir?

- Holdinqin daha bir iri layihəsi Heydər Əliyev prospektində yeni City Center mikrorayonunun layihələndirilməsi ilə bağlıdır. Bunun üçün orta hesabla $500-600 mln., tikintinin yalnız birinci fazasının başa çatdırılması üçün isə $200 mln.lazım olacaq. City Center-ə yaşayış kompleksi, məktəb, uşaq baxçası, poliklinika, ticarət mərkəzi və digər sosial əhəmiyyətli obyektlər daxil olacaq. Bir sözlə, normal həyat üçün lazım olan hər şey.

Biz IPO-ya daxil olmaq üçün işlər aparırıq. Yaxın iki il ərzində səhmlərimizi London birjasında yerləşdirməyi planlaşdırırıq. Biz beynəlxalq maliyyə hesablama standartlarına keçidi başa çatdırmışıq və biznesimizin aparılmasında tam şəffafıq. ISR Holding ölkənin ən iri vergi ödəyicisidir və ildə təxminən 20 mln. manat vergi ödəyir.  

Xəbər lenti

Xəbər lenti