Azərbaycan, Bakı, 29 oktyabr/ Trend , müxbir İ.Xəlilova/ "Milli poçt operatoru - Azerpocht Dövlət Müəssisəsinin (DM) lisenziyalaşdırılması yalnız onun fəaliyyətinin maliyyə xidmətlərinin göstərilməsi sahəsində yaranan risklərin idarə edilməsi üzrə tələblərə uyğun vəziyyətə gətirilməsindən sonra mümkün olacaq", - Azərbaycan Milli Bankı (AMB) hüquq departamentinin direktoru Rəna Məlikova çərşənbə günü bildirib.
"Deməzdim ki, bu çox uzun çəkəcək. Belə ki, Dünya Bankının Azerpocht-un institusionallaşdırılması üzrə proqramı uzun müddətdir ki realizə edilir, - Məlikova bildirib. Bizdə idarəetmə sisteminin hazırlığına və daxili nəzarət sisteminin təşəkkülünə tam əminlik yarandıqdan sonra, bank lisenziyasının verilməsi məsələsini nəzərdən keçirməyə başlayacağıq".
"Poçt rabitəsi haqqında" Qanuna əsasən, Azerpocht-un funksiyaları genişlənib. Yaxın vaxtlarda ölkənin poçt şöbələri əhaliyə bank xidmətləri göstərə biləcəklər. Əhalinin pul əmanətlərinin qəbulu, pensiya və müavinətlərin verilməsi bank şöbələri tərəfindən heç bir maneə olmadan həata keçiriləcək. Azerpocht - un funksiyalarına yalnız kredit xətlərinin ayrılması daxil deyil.
Poçt şöbələri vahid bank sisteinə daxil olmasa da, onlar bir növ bu strukturun bir hissəsidir və buna görə də, onların fəaliyyətinin tənzimlənməsi və prudensial nəzarət maksimal dərəcədə bank nəzarəti və tənzimlənməsinə yaxınlaşdırılacaq, - AMB - nin hüquqşünası hesab edir.
"Onlara qarşı bu gün adi bank fəaliyyəti üçün mövcud olan bütün normativləri tətbiq etməmiz məcbur deyil. Normativlər bu və ya digər əməliyyat və ya sazişlərdə risklərin nəzərə alınması ilə müəyyənləşdirilir", - Məlikova bildirib.
Onun sözlərinə görə, Azerpocht-a qarşı kapitallaşma üzrə tələblər də irəli sürüləcək. Lakin poçt şöbələri kreditləşdirmə ilə məşğul olmayacaqları üçün, bu tələblər bank sektoruna tətbiq edilən normativlərdən fərqli olacaq.
"Poçt şöbələrinin bank fəaliyyətinə xas olan potensial risk daşıyıcıları olmasını nəzərə almaqla, onlar əmanətlər qəbul edəcək, hesablar üzrə əməliyyatlar aparacaqlar, - Məlikova bildirib. - Buna görə kapitalın adekvat bazası olmasıdır. Lakin onun hansı səviyyədə olacağı artıq prudensial tənzimləmə məsələsidir".
Azerpocht - un Baş direktoru Qəmbər Bəybalayev hesab edir ki, kommersiya xidmətlərinin inkişafı müəssisənin rentabelliyini artıra bilər. Hazırda poçt özünümaliyyələşdirməyə keçə bilməz, belə ki, elektron poçt korrespondensiyaya xeyli rəqabət göstərir.
"Buna görə müəssisə kommersiya xidmətlərinin inkişafı üçün əlavə maliyyələşdirməyə ehtiyac duyur. Bu poçtun rentabelliyini artırmağa kömək edəcək", - Bəybalayev bildirib.
2005 - ci ildən ölkədə Dünya Bankının dəstəyi ilə "Poçt şöbələrində maliyyə xidmətlərinin inkişafı" layihəsi həyata keçirilir. Bu layihəni cari ilin sonunda başa çatdırmaq, gələn il isə, yeni xidmətlərin göstərilməsinə başlamaq planlaşdırılır. Lakin yeni xidmətlərdən faydalı istifadəyə keçid daha iki-üç il həyata keçiriləcək.
Azerpocht artıq öz şöbələrinin Milli Bankda yaradılmış vahid kommunal ödənişlər sisteminə qoşulmasına başlayıb. Bu gün sistemə təxminən 100 poçt şöbəsi qoşulub.
Hazırda ölkə ərazisində 1536 poçt şöbəsi fəaliyyət göstərir. Onların 337-si şəhərlərdə, rayon mərkəzi və qəsəbələrdə, 1199 - u isə, kənd yerlərində əhaliyə xidmət göstərir.
Müəlliflə əlaqə saxlamaq üçün elektron ünvan: [email protected]