Azərbaycan, Bakı, 06 noyabr / Trend , müxbir N.İsmayılova/ Sentyabrda Azərbaycan banklarının depozit bazası 1,7 faiz azalıb, yanvar-sentyabrda isə, 2007-ci ilin analoji dövrü ilə müqayisədə, bu göstəricinin artımı 27,8 faiz olub. Bu barədə cümə axşamı Azərbaycan Milli Bankından məlumat veriblər. Yanvar-sentyabr ərzində bank depozitlərinin ümumi həcmi 20,8 faiz artıb.
AMB- nin məlumatlarına əsasən, oktyabrın 1-nə hüquqi və fiziki şəxslərin bank depozitləri və əmanətlərinin ümumi həcmi 4017,5 mln. manat təşkil edib. Bu, yanvarın 1-də 3183,7 mln. manat, 2007-ci il oktyabrın 1-də 2900,1 mln. manat olub. Bu həcmdən 1882,2 milyon manat vəsaitlərinə, qalan hissəsi isə valyutanın payına düşüb. Sentyabr ərzində milli valyutada olan depozitlərinin həcmi 3,5 faiz artıb.
Oktyabr ərzində fiziki şəxslərin əmanətləri 1,5 faiz artıb, hüquqi şəxslərin depozit həcmi 4,3 faiz azalıb. İl ərzində fərdi müştərilərin depozitlərinin artımı 47,1 faiz, korporativ müştərilərin depozitlərinn artımı 31,9 faiz təşkil edib.
Oktyabrın 1-nə fiziki şəxslərin ölkənin banklarında olan əmanətlərinin həcmi yanvarın 1-nə olan 1 468,4 mln. , 2007-ci il oktyabrın 1-nə olan 1259,2 mln. manatdan 1853,2 mln. manatadək artıb. Oktyabrın 1-nə hüquqi şəxslərin depozit həcmi 2164,3 mln. manat təşkil edib. Bu göstərici yanvarın 1-də və 2007-ci il sentyabrın 1-də müvafiq olaraq, 1715,3 mln. manat və 1640,4 mln. manat təşkil edib.
Noyabrın 6 - na olan cari mübadilə məzənnəsi -- 0,8077 AZN/USD.
Müəlliflə əlaqə saxlamaq üçün elektron ünvan: [email protected]
