Azərbaycan, Bakı, 10 noyabr/ Trend , müxbir Ü.İsmayılova/ "Ölkənin sığorta bazarında 2008 - ci ilin iyulundan fəaliyyət göstərən Azərbaycanın yeni sığorta şirkəti Gala Sigorta ASC sığortanın əlavə üç növünə lisenziyanın alınması üçün Maliyyə Nazirliyinə müraciət etmək niyyətindədir", - şirkətin İdarə Heyətinin sədri Abbas Bağırov bazar ertəsi bildirib.
"Hazırda şirkət turistlərin, tikinti-quraşdırma və maliyyə risklərinin sığortalanmasına lisenziyanın alınması üçün yeni qaydalar hazırlayır", - Bağırov bildirib.
Belə qərar dünya maliyyə böhranı nəticəsində bu sahələrdə risklərin yüksəlməsindən irəli gələn tələbat artımı ilə bağlıdır.
Gala Sigorta ASC iyulun 31-də Maliyyə Nazirliyindən sığorta fəaliyyətinin göstərilməsinə dair lisenziya alıb. Şirkətin təsisçisi Azərbaycanda yeganə təkrarsığorta şirkəti AzRe Tekrarsigorta-dır. Gala Sigorta-nın Nizamnamə kapitalı 1 mln. manat səviyyəsində müəyyən edilib.
Azərbaycanın birinci təkrar sığorta şirkəti AzRE 2007-ci il noyabrın 7-də Azərbaycanın Maliyyə Nazirliyindən təkrar sığorta fəaliyyətinin aparılması üçün lisenziya alıb. Şirkətin Nizamnamə kapitalı 2 mln. manat təşkil edir. Şirkətin səhmdarları 6 fiziki şəxsdir. Şirkəti həm yerli, həm də regional təkrarsığorta şirkətləri və təkrarsığorta vasitəçilərinə Non-life sığorta xidmətləri gюstərir.
Noyabrın 10-na olan cari mübadilə məzənnəsi -- 0,8076 AZN/USD.
Müəlliflə əlaqə saxlamaq üçün elektron ünvan: [email protected]
