Azərbaycan, Bakı, 11 noyabr/ Trend , müxbir Ü.İsmayılova/ Dünya Bankının (DB) nümayəndə heyəti "Daşınmaz əmlakın qeydiyyatı" birgə layihə çərçivəsində, Azərbaycanın Daşınmaz Əmlakın Dövlət Reyestri Xidmətində bu Proqramın realizəsi ilə tanış olub. Nümayəndə heyətinə layihənin koordinatoru Qevin Adlinqton başçılıq edir.
DB - nin əvvəlki missiyası işlərin gedişi ilə tanış olmaq üçün apreldə Bakıda olub.
Görüşdə Dövlət Xidmətinin rəhbəri Arif Qaraşov layihə çərçivəsində görülmüş işlərdən danışıb. Onun sözlərinə görə, tədbirlərin təyin edilən müddətdə başa çatdırılması üçün iş prosesi fəallaşdırılıb.
Layihənin idarə qrupunun baş meneceri Şahin Pənahov görülmüş işlər haqqında ətraflı hesabatla çıxış edib. "Ölkənin daşınmaz əmlak bazarının dəstəklənməsi və səmərəli qeydiyyat sisteminin formalaşdırılması üçün layihənin realizəsi ilə məşğul olan Dövlət Reyestr Xidməti və Torpaq və Xəritəçəkmə üzrə Dövlət Komitəsi bu Proqramın icraçı agentləri qismində çıxış ediblər.
Azərbaycan hökuməti və Dünya Bankı (DB) 2007- ci ilin iyulunda daşınmaz əmlakın vahid kadastrı sisteminin birgə tətbiqi haqqında saziş imzalayıblar.
Layihə dörd komponentdən ibarətdir - daşınmaz əmlakın qeydiyyatı; dövlət əmlakının idarə edilməsi və reyestri; baza xəritəçəkməsi və torpaq kadastrı; treninqlər, siyasətin və layihənin idarə edilməsinin formalaşdırılması. Layihənin dəyəri $38,57 mln.- dır və bunun $30 mln.- u DB - nin kreditinin payına düşür. Kredit ehtiyatları, 5 il güzəştli dövr olmaqla, 20 il müddətinə ayrılıb.
İyunda Azərbaycan hökuməti və Alman İnkişaf Bankı KfW daşınmaz əmlakın vahid qeydiyyat sisteminin tətbiqi üçün kreditin ayrılması haqqında müqavilə imzalayıblar. Layihə torpaqların, sahələrin və daşınmaz əmlakın qeydiyyatının aparılması üçün əvvəlcə Gəncə və Şəki sınaq şəhərlərində torpaqların, sahələrin və daşınmaz əmlakın qeydiyyatının aparılması üçün sistemli kadastr uçotunun aparılmasını nəzərdə tutur. Geodeziya tədqiqatlaır əsasında, onların dəqiq koordinatları kadastr xəritəsinə daxil ediləcək. Layihənin əsas fazasının reallaşdırılması üçün KfW - ə 30 ay lazım olacaq. Alman bankı KfW kadastrın yaradılması layihəsinə 2,5 mln.avro kredit, təşkilat - benefisiarın institusionallaşmasına isə, 1 mln. avro qrant ayırmağa hazır olduğunu bildirib.
Müəlliflə əlaqə saxlamaq üçün elektron ünvan: [email protected]
