Azərbaycan, Bakı, 27 noyabr/ Trend , müxbir N.İsmayılova/ Bank olmayan kredit təşkilatı TBC Credit ipoteka kreditlərinin verilməsini dayandırıb, - təşkilatın Baş direktorunun müavini Əjdər Əliyev cümə axşamı bildirib.
Əliyevin sözlərinə görə, ipoteka kreditləri verilməsinin dayandırılmasının əsas səbəbi xarici borclanmalara məhdud çıxışdır.
"Biz vəsaitlərin cəlb edilməsi üzrə danışıqlar aparsaq da, kreditlər gələn ilin əvvəlindən tez alınmayacaq", - Əliyev bildirib.
Kreditləşdirmə oktyabrdan dayandırılıb. Kreditləşdirmənin gələn ildən bərpa ediləcəyi gözlənilsə də, Əliyev dəqiq tarixi açıqlaya bilməyib.
Təşkilatın kredit portfeli 10 mln. dollara bərabərdir. Bu vəsaitin 10 faizi istehlak kreditləşdirməsi, 45 faizi ipoteka kreditləşdirməsi, 45 faizi biznes - kreditlərə yönəldilib.
TBC Credit sərbəst vəsaitlərin yoxluğu ilə əlaqədar, cari il ərzində dəfələrlə ipoteka kreditləri üzrə şərtlərə yenidən baxıb və faiz dərəcəsini 6-8 faiz artırıb.
Əvvəllər mənzil maiyyələşdirməsi illik 16 faiz dərəcə ilə həyata keçirilirdi (2008 - ci ilin martında 2 faiz azaldıqdan sonra). Hazırda dərəcə 22 faaizədək artırılıb. Bununla belə, bu dərəcə üzrə kreditlər mənzil alqısına verilə bilərdi. Fərdi evlərin tikintisi və təmiri üzrə dərəcə isə, 24 faizə bərabər olub. Faiz dərəcələri ilə yanaşı, kreditlərin verilmə müddətinə də yenidən baxılıb - müddət 12 ildən 48 ayadək azaldılıb.
TBC Credit-in ipoteka kreditləri üzrə şərtlərin sərtləşdirilməsi nəticəsində, belə kreditlərə, xüsusilə də mənzil alqısı üçün nəzərdə tutulan kreditlərə tələbat yarıyadək azalıb.
TBC Credit ipoteka kreditləşdirməsinə 2002 - ci ildə başlayıb.
TBC Credit - in əsas təsisçisi qismində səhmlərin 75 faizinə malik TBC Bank çıxış edir. Səhmlərin 25 faizi Amerikanın Shorebank qrupuna daxil olan Shorebank International beynəlxalq konsaltinq firmasına məxsusdur. Shorebank 2000 - ci ildə TBC Crediti təsis edib. TBC Bank-ın ötən ilin dekabrında TBC Credit-in kapitalına daxil olması əlavə sərmayələr hesabına realizə edilib ki, nəticədə, kredit təşkilatının kapitalı 10 mln. manatadək artıb.
Noyabrın 27-nə olan cari mübadilə məzənnəsi 0,8079 AZN/USD
Müəlliflə əlaqə saxlamaq üçün elektron ünvan: [email protected]