Azərbaycan, Bakı, 28 noyabr/ Trend , müxbirlər E.İsmayılov, N.İsmayılova/ "Cinayət yolu ilə əldə edilmiş pulların və ya digər əmlakın leqallaşdırılmasına və terrorçuluğun maliyyələşdirilməsinə qarşı mübarizə haqqında" Qanun layihəsindən sazişin məbləği barədə bənd çıxarıla bilər; məbləğ limiti keçərsə, o, sazişlər və əməliyyatlar üzrə monitorinq sisteminin təsiri altına düşür, - Azərbaycan parlamentinin iqtisadi siyasət daimi komissiyasının rəhbəri Ziyad Səmədzadə cümə günü bildirib. Qanun layihəsi parlament tərəfindən ikinci oxunuşda qəbul edilib.
"Mənim mövqeyim belədir ki, bu bəndi Qanun layihəsindən çıxarmaq lazımdır. Lakin müzakirələr hələ davam edir", - Səmədzadə bildirib.
Onun sözlərinə görə, Qanun milli maraqların, şəffaflığın, demokratik proseslərin inkişafı və ən başlıcası, sadə vətəndaşlar və sahibkarların maraqlarnın müdafiəsi nəzərə alınmaqla qəbul edilməlidir.
"Azərbaycanda müvafiq qanunvericilik terrorizm və çirkli pulların yuyulması ilə inadlı, amansız mübarizə aparmaq üçün yaradılıb", - deputat bildirib.
Yeganə mübahisəli məsələ sazişin məbləğidir, - parlamentin hüquqi siyasət və dövlət quruculuğu daimi komissiyasının sədri Əli Hüseynov əvvəllər bildirib. Qanunda limit 20 min manat səviyysəində müəyyən edilib.
"Müzakirələr nəticəsində bu limit artırılıb və bu gün məbləğ minimal limitin 15 min avro səviyyəsində olduğu Avropa standartlarına yaxındır", - Hüseynov deyib.
Qanun layihəsinə birinci oxunuşdan sonra da şübhə doğuran sazişlər üzrə dəyişikliklər edilib. Maliyyə monitorinqi orqanları, sazişlər şübhə doğurarsa, limit və əməliyyatların dəqiq sıralamasından asılı olmayaraq, maliyyə kəşfiyyatı orqanlarına məlumat verməlidirlər.
Monitorinqə kredit təşkilatları; sığorta və təkrar sığorta təşkilatları; qiymətli kağızlar bazarının peşəkar iştirakçıları; kredit təşkilatlarının lizinq xidmətləri; poçt bölmələri və digər təşkilatlar vasitəsilə pul köçürmələri; lombardlar; sərmayə fondları; qiymətli metallar və daşlarla bağlı sazişlər və onlardan hazırlanmış məmulatların alınması; qeyri - hökumət və dini təşkilatlar; lotereya təşkilatçıları; daşınmaz əmlak üzrə alqı - satqı xidmətləri göstərən şəxslər (riyeltorlar), vəkillər, auditorlar, daşınmaz əmlak üzrə sazişlər, müştəri vəsaitləri, qiymətli kağızlar və əmlak, müştəri bank və depozit hesabları məruz qalacaq. Monitorinqin keçirilməsi üçün xüsusi dövlət orqanı yaradılacaq.
Qanun layihəsinə görə, ölkə prezidenti maliyyə kəşfiyyatı funksiyalarını alacaq qurum təsis edəcək. Dünya təcrübəsində maliyyə kəşfiyyatı orqanları mərkəzi banklar, hüquq - mühafizə orqanları, prokurorluq, ədliyyə orqanlarında və ya müstəqil qurum kimi yaradıla bilər.
Qanunun işlənilməsi və beynəlxalq ekspertizası hələ 2005 - ci ilin mayında başa çatdırılıb.
Müəlliflə əlaqə saxlamaq üçün elektron ünvan: [email protected]
