Türkmənistan, Aşqabad, 03 dekabr/ Trend , müxbir S.Qurbanov/ Beynəlxalq Valyuta Fondunun (BVF) ekspertləri Aşqabadda "Çirkli pulların yuyulması və terrorçuluğun maliyyələşdirilməsinə qarşı beynəlxalq təcrübə" adlı beynəlxalq seminar keçiriblər. "Turkmen dovlet xabarları" (TDX) informasiya agentliyinin verdiyi xəbərə görə, forumun işində hökumət, parlament, Maliyyə Nazirliyi, bank sistemi, həmçinin hüquq-mühafizə və məhkəmə orqanlarının nümayəndələri iştirak ediblər.
Cinayət yolu ilə toplanmış gəlirlərin leqallaşdırılması və terrorçuluğun maliyyələşdirilməsinə qarşı mübarizə üzrə Avrasiya qrupunun tərkibində Türkmənistan müşahidəçi qismində çıxış edir.
Bu yaxınlarda BMF və Türkmənistan Mərkəzi Bankının birgə işinin nəticəsi olaraq Türkmənistanın "Cinayət fəaliyyətindən əldə edilən gəlirlərin leqallaşdırılması və terrorçuluğun maliyyələşdirilməsinə qarşı mübarizə haqqında" qanun layihəsi hazırlanıb. Sənəd beynəlxalq standartlar əsasında hazırlanıb və qanunsuz fəaliyyətin aşkarlanması və səmərəli şəkildə qarşısının alınmasına yönəldilən bütün hüquqi tədbirlər kompleksini özündə birləşdirir.
Məqalə müəllifi ilə əlaqə ünvanı - [email protected]