...

Azərbaycanda ən iri sement istehsalçısı istehsal obyektlərinin genişləndirilməsi üzrə layihəni ictimaiyyətə təqdim edib

Biznes və iqtisadiyyat xəbərləri Materials 12 Dekabr 2008 18:04 (UTC +04:00)

Azərbaycan, Bakı, 12 dekabr/ Trend , müxbir S.Babayeva/ Azərbaycanda ən iri sement istehsalçısı Garadagh Cement zavodun istehsal obyektlərinin genişləndirilməsi layihəsinin ətraf mühitə təsiri hesabatını (ƏMTH) ictimaiyyətə təqdim edib, - şirkətin məlumatında deyilir.

Layihə Sahil qəsəbəsi yaxınlığındakı sement zavodunun yenilənməsini, xüsusilə də quru texnologiya əsasında işləyəcək yeni sobanın tikintisini nəzərdə tutur.

İsveçrənin Holcim şirkəti 1999-cu ildə Garadagh Cement-i özəlləşdirib. Garadagh Cement-in səhmlərinin 69,4 faizi Holcim-ə, 10 faizi Avropa Yenidənqurma və İnkişaf Bankına (AYİB), 10,6 faizi kiçik səhmdarlara, 10 faizi Azərbaycan İnvestisiya Şirkətinə məxsusdur.

Garadagh Cement-in əsas səhmdarı Holcim Group-un Direktorlar Şurası ötən ilin sentyabrında zavodun müasirləşdirilməsi layihəsini təsdiqləyib. Layihənin dəyəri 300 mln. avrodur. Holcim Group layihə üçün sərmayələrin böyük hissəsini öz üzərinə götürəcək.

ƏMTH ilə tanış olmaq istəyənlər, iş günlərində Garadagh Cement-ə, AYİB-in nümayəndəliyinə, Qaradağ rayonunda yerləşən Sahil və Ümid qəsəbələrinin bələdiyyələrinə müraciət edə bilərlər.

Hesabat üzrə fikir və rəylər Garadagh Cement-də qəbul ediləcək.

Şirkət dekabrın 17-18-də məlumatlandırma və hesabatın müzakirəsi üçün açıq qapılar günü keçirəcək.

Müəlliflə əlaqə saxlamaq üçün elektron ünvan: [email protected]

Xəbər lenti

Xəbər lenti