Azərbaycan, Bakı, 15 dekabr/ Trend , müxbir N.İsmayılova/ Azərbaycan Milli Bankının açıqladığı ödəmə balansına əsasən, ölkənin strateji xarici valyuta ehtiyatları 2,4 dəfə artaraq 2008-ci il oktyabrın 1-nə 17896,8 mln. dollar təşkil edib, - AMB-dən bazar ertəsi bildiriblər. Bu vəsaitlərdən 10382,2 mln. dollar Dövlət Neft Fondunun akvitləri, 1 555 mln. dollar hökumətin depozitlərinin payına düşür, AMB -nin məcmu beynəlxalq aktivləri isə 5 959,6 mln. dollar təşkil edir.
Milli Bankın sərəncamında olan valyuta ehtiyatları 5438,6 mln. dollar təşkil edib ki, bu da, neft - qaz sektoru istisna olmaqla, səkkiz aylıq mal və xidmətlər idxalını maliyyələşdirməyə imkan verir. Bu, dünya təcrübəsində qəbul edilmiş beynəlxalq kafilik meyarını iki dəfə ötür.
Ödəmə balansına əsasən, ödənişlər və gəlir daxilolmaları üzrə ümumi dövriyyə 5,5 mln. dollar təşkil edib ki, bunun da 94,4 faizi (5,2 mln. dollar) respublikadan ödənişlərdir. Ödənişlərin əsas hissəsi (4,6 mln. dollar) ABƏŞ-in xarici sərmayədarlarının gəlirləri repatriasiya etməsi (neft vasitəsilə) vastisəilə həyata keçirilib. Qeyri-rezidentlərin əmək haqqı ödənişlərinə 129,8 mln. dollar düşür, neft-qaz sektoru da daxil olmaqla, istifadə edilmiş kreditlər üzrə faizlər 213,3 mln. dollar təşkil edir.
Azərbaycana daxilolmalar 2007-ci ilin analoji dövrü ilə müqayisədə 31,8 faiz artaraq 308,9 mln. dollar təşkil edib. Bunlardan ARDNF-in vəsaitlərinin idarə edilməsi ilə bağlı əlavə edilmiş faizlərin payına 80,6 mln. dollar, AMB-nin valyuta ehtiyatlarının idarə edilməsindən - 129,7 mln. dollar, bankların xaricdə yerləşdirilmiş aktivlərinin - 19,9 mln. dollar düşür.
Müəlliflə əlaqə saxlamaq üçün elektron ünvan: [email protected]