Azərbaycan, Bakı, 25 dekabr/ Trend , müxbir İ.Xəlilova/ "Millicart Məhdud Məsuliyyətli Cəmiyyət Prosessinq Mərkəzinin Nizamnamə kapitalında iştirak payının alınması ilə əlaqədar Avropa Yenidənqurma və İnkişaf Bankı (AYİB) ilə müqavilənin imzalanması mərhələsinə daxil olub, - Mərkəzin icraçı direktoru Cəlal Orucov cümə axşamı bildirib.
MMC-nin təsisçilərinin noyabrın 28-də keçirilmiş sonuncu ümumi toplantısında Nizamnamədə AYİB-lə sazişlə əlaqədar dəyişikliklərin əsas istiqmətləri təqdir edilib. Belə ki, bu bankın əsas şərtlərindən biridir.
Orucov müqavilə bağlananadək sazişin şərtlərini, o cümlədən səhm paketi və onun dəyərini açıqlamayıb. 2009-cu ildə Millicart-ın Nizamnamə kapitalının artırılması üzrə planlar Avropa Bankının Mərkəzin səhmdarlarının tərkibinə daxil olması ilə bağlıdır. Millicart-ın mövcud sərmayədarları da Mərkəzin kapitalında pay iştiraklarının azalmasından qaçmaq üçün öz paketlərinin təkrarkapitallaşma prosesində iştirak edə bilərlər.
İlkin məlumatlara görə, AYİB 10 - 19 faiz arasında paket əldə etməyə ümid edir. AYİB-in Millikart-ın səhmdarlarının sırasına daxil olması əlavə emissiyaların hesabına baş verəcək. Əvvəllər ona, nominal üzrə ParaBank səhmdar-kommersiya bankının güzəştə getməyə hazır olduğu, 9 faiz səhm vermək planlaşdırılırdı.
2006 - cı il iyulun 14 - də MMC təsis edilərkən, ParaBank 10 faiz iştirak payı ilə onun səhmdarları sırasına daxil olub. Lakin sonra o, 9 faizi satmaq və öz mülkiyyətində cəmi bir faiz saxlamaq niyyətində olduğunu bildirib. Lakin ParaBank bu planlardan imtina edərək, bütün səhm paketini özündə saxlayıb. Bununla əlaqədar olaraq, AYİB-in səhmdarlığa daxil olması əlavə emissiyaların hesabına mümkündür.
Bu gün üçün bankların mərkəzin kapitalında iştiraklarının minimal ölçüsü 1, maksimal isə 10 faiz təşkil edir. Hazırda o 18 səhmdar tərəfindən 4 mln. manat həcmində formalaşdırılıb.
Mərkəzin təsisçiləri aşağıdakılardır: Atabank, Azərdəmiryolbank, Azərtürkbank, Bank of Baku, Azerbaijan Senayye Bankı, Debütbank, Əmrahbank, Xalqbank, Kredobank, Azərbaycan Mikromaliyyələşdirmə Bankı, ParaBank, Rabitəbank, Bank Respublika, Bank Standard, Texnikabank, Turanbank, UniBank və Zaminbank.
Dekabrın 25 - nə olan cari mübadilə məzənnəsi -- 0,8017 AZN/USD.
Müəlliflə əlaqə saxlamaq üçün elektron ünvan: [email protected]