Azərbaycan, Bakı, 12 yanvar/ Trend , müxbir Ü.İsmayılova/ Azərbaycanın Nazirlər Kabineti prezidentin 2008 - ci il 7 may tarixli "Təbii müalicə resursları, müalicə - sağlamlaşdırıcı yerlər və kurortlar haqqında" fərmanının realizəsi çərçivəsində, "Kurortlar haqqında nümunəvi Əsasnamə"ni təsdiq edib.
Əsasnamədə deyilir ki, kurort turistik, müalicə və sağlamlaşdırma obyektlərinin yerləşdiyi, eləcə də təbii müalicə ehtiyatlarının olduğu ərazidir.
Zonanın kurort qismində tanınması müvafiq qanunvericilik əsasında zonanın ehtiyatları haqqında aparılan tədqiqatlara əsasən keçməlidir.
Əsasnamədə, ərazisində təbii müalicə ehtiyatları, istirahət və müalicə üçün obyektlər, yerli əhalinin yerləşdirilməsi üçün zonalar, mərkəzləşdirilmiş təsərrüfat və texniki xidmətlər zonası yerləşən ərazilər ayrılır.
Sənədə əsasən, bundan sonra müvafiq icra orqanlarının tövsiyələri əsasında kurort zonalarının təşkili və ləğvi Nazirlər Kabineti tərəfindən aparılacaq.
Azərbaycanın Ekologiya və Təbii Sərvətlər Nazirliyi kurort zonalarının mühafizəsi, Səhiyyə Nazirliyi onların öyrənilməsi, istifadəsi və inkişafı ilə məşğul olacaq.
Müəlliflə əlaqə saxlamaq üçün elektron ünvan: [email protected]