Azərbaycan, Bakı, 15 yanvar/ Trend , müxbir N.İsmayılova/ "Azərbaycann İqtisadi İnkişaf Nazirliyi (İİN) yanında işçi qrupu Korporativ İdarəetmə Məcəlləsinin birinci hissəsini hazırlayıb", - İİN-in Korporativ İdarəetmə Departamentinin direktoru Sənan Tapdıqov bildirib.
Onun sözlərinə görə, "işçi qrupu beş hissədən ibarət Məcəllə layihəsinin birinci hissəsini hazırlayıb".
Hissələrə Müşahidə Şurasının yaradılması və onun funksiyalarına toxunan idarəetmə strukturu; idarə heyətlərinin funksiyaları, maliyyə hesabatlılığı və onların açıqlanması üzrə tövsiyyələrin hazırlanması; səhmdarların hüquqları və korporativ idarəetmənin rolu daxildir.
"Planlar bununla bitmir və yaxın vaxtlarda məcəllə üzərində işi dayandırmağı planlaşdırırıq", - Tapdıqov deyib.
Onun rəyinə görə, Korporativ İdarəetmə Məcəlləsinin qəbulu bu standartları qəbul edən şirkətlərə sərmayələrin cəlb edilməsi üçün daha çox imkan verəcək.
"Məcəllə layihəsinin hazırlanması zamanı bir sıra çətinliklərlə üzləşsək də, indi biz cəsarətlə deyə bilərik ki, nəyə nail olmuşuq, - Tapdıqov vurğulayıb. - korporativ idarəetmə standartlarını tətbiq edən şirkətlər kapital bazarlarına daha geniş çıxış alacaqlar, eləcə də onların sərmayələrin cəlb edilməsi üçün böyük imkanları var
İşçi qrupu korporativ idarəetmə sahəsində normativ - hüquqi bazanın təkmilləşdirilməsi üçün yaradılıb.
Korporativ Məcəllə layihəsinin hazırlanması üçün yaradılmış işçi qrupuna iqtisadi inkişaf, ədliyyə nazirlikləri, Milli Bank, DQKK, Azərbaycan İnvestisiya Şirkəti və İFC-nin nümayəndələri daxildirlər. Belə Məcəllənin qəbul edilməsi Azərbaycanda korporativ idarəetmə sistemini təkmilləşdirməyə imkan verəcək, biznesin imkanlarını genişləndirəcək, şirkətlərin fəaliyyətinin səmərəliliyini artıracaq.
Perspektivdə işçi qrupu korporativ idarəetmə konsepsiyasını hazırlamağı planlaşdırır.
Müəlliflə əlaqə saxlamaq üçün elektron ünvan: [email protected]