Azərbaycan, Bakı, 26 yanvar/ Trend , müxbir S.Babayeva/
Azərbaycanın Standartlaşdırma, Metrologiya və Patent üzrə Dövlət Komitəsi uyğunluq sertifikatı almış məişət qaz cihazları istehsalçılarının adlarını açıqlayıb.
Sertifikatlar "Mashhaddavam Industrial Group" ("Mashhaddavam" qaz peçləri), "Adonis Co" ("Adonis" qaz peçləri), "Jahan Afrooz Manufacturing" ("Jahan Afrooz" qaz peçləri), "Tebriz Load" ("Adrian" qaz peçləri), "Tavan Gas Co", "Humayunqaz" (qaz balonları), "Sharegh Toos" ("Sharegh Toos" qaz peçləri) və "Qaynar Xəzər"ə verilib, - Komitədən bildiriblər.
Azərbaycanın Standartlaşdırma, Metrologiya və Patent üzrə Dövlət Komitəsi standartlaşdırma, metrologiya, sertifikatlaşdırma və sənaye mülkiyyəti obyektlərinin mühafizəsi sahəsində dövlət siyasətini formalaşdıran və həyata keçirən mərkəzi icra hakimiyyəti orqanıdır.
Müəlliflə əlaqə saxlamaq üçün elektron ünvan: [email protected]
