...

Qazaxıstan hökumətinin "Nəqliyyat Məcəlləsi haqqında" Qanun layihəsini geri çağırması şirkətlərə çətinlik yaradıb

Biznes və iqtisadiyyat xəbərləri Materials 28 Yanvar 2009 18:01 (UTC +04:00)

Qazaxıstan, Astana, 28 yanvar/ Trend , müxbir K.Konırova/

Qazaxıstan hökumətinin "Nəqliyyat Məcəlləsi haqqında" Qanun layihəsini geri çağırması ilə bir neçə şirkətin çətinliyi yaranıb, - parlamentin deputatı Zeynulla Alşımbayev çərşənbə günü Astanada plenar iclasda, Baş nazir Kərim Məsimova deputat sorğusu ilə müraciət edərək bildirib.

"Bu siyahıda "Kazmortransflot", "KazMunayTeniz Dəniz Neft Şirkəti" SC, "Kaspi Meruerti Opereytinq Kompani B.V", "Kupmanqazı Petroleum", "Şimali Xəzər əməliyyat şirkəti" və Xəzər dənizinin Qazaxıstan şelfində neft və dəniz əməliyyatları həyata keçirən digər şirkətlərin adları var", - Alşımbayev deyib.

Parlamentari xatırladıb ki, 2005-ci ilin iyununda "Ticarət dənizçiliyi haqqında" Qanuna  edilə dəyişikliklərə əsasən, xarici hüquqi şəxslərin mülkiyyətində olan gəmilərin Qazaxıstanın bayrağı altında üzməsinə qadağa qoyulub. Bu və digər məsələlər "Nəqliyyat Məcəlləsi"ndə əksini tapmalıdır. Bu gün Məcəllə üzərində iş təxirə salınıb.

Qazaxıstan və Aİ arasında əməkdaşlıq haqqında Brüssel sazişi əsasında problemin qısamüddətli həlli qismində, operatorlara üç il müddətinə - 2008-ci il oktyabrın 26-dək dəyişikliklərin QR qanunvericiliyinə tətbiqinə möhlət verilib.

Operatorlara bu möhlət yalnız gəmilərin Qazaxıstanın brebout-çarter reyestrində qeydiyyatı üçün verilib. Operatorlar möhlətdən istifadə etmək üçün subpodratçılarla brebout-çarter və subbrebout-çarter müqavilələri bağlamağa məcbur olurdurlar.

"Beləliklə, mövcud qanunvericilik, xüsusilə də "Ticarət dənizçiliyi haqqında" Qanun operatorların öz gəmiləri ilə dəniz neft əməliyyatları aparmaq hüququnu məhdudlaşdırırdı. Belə ki, operatorlar gəmilərinə bayraq ala bilməyəcək, müvafiq olaraq, gəmiləri öz adları altında istismar edə bilməyəcəklər. Bu isə onların imzalanmış sazişlər və beynəlxalq təcrübəyə görə malik olduqları hüquqlarına zidddir", - Alşımbayev deyib.

Deputatın məlumatına görə, Qazaxıstan bayrağı altında üzmək hüququ və gəmilərin brebout-çarter reyestrində qeydiyyatı hüququnun verilməsi yalnız Baş nazirin müdaxiləsindən sonra, 2008-ci ilin dördüncü rübündə müsbət həll olunub. Lakin bu müvəqqəti tədbirdir, - Alşımbayev güman edir.

Bu məsələləri qanunvericilik əsasında tənzimləyəcək qanun layihələri indiyədək parlamentə daxil olmayıb, - Məclisin deputatı qeyd edir.

"Gəmilərin Brüssel sazişi əsasında qeydiyyat müddəti başa çatdığı üçün Sizdən yuxarıda adları çəkilən qanun layihələrinin parlamentə daxil olmasının sürətləndirilməsi məsələsini nəzərdən keçirməyini xahiş edirəm", - Alşımbayevin deputat sorğusunda deyilir.

Müəlliflə əlaqə saxlamaq üçün elektron ünvan: [email protected]

Xəbər lenti

Xəbər lenti