Azərbaycan, Bakı, 30 yanvar/ Trend , müxbir N.İsmayılova/
2008 - ci ildə azərbaycanda istehsalat və tikinti sektorunda bədbəxt hadisələr və ölüm hallarının sayı 2007 - ci illə müqayisədə təxminən 2 faiz azalıb, - Dövlət Əmək Müfəttişliyinin rəhbəri Nəbi Şükürlü cümə günü bildirib.
"Müfəttişlik ölüm hallarının azaldılması və təhlükəsizlik səviyyəsinin artırılması məqsədilə 2008 - ci ildən istehsalat və tikinti sektorunun işçiləri üçün kurslar keçirməyə başlayıb, - Şükürlü deyib. - Alınan nəticə ötən ilin göstəricilərinə müsbət təsir göstərib".
Ümumilikdə 2008 - ci ildə aparılmış təhqiqatlar nəticəsində istehsalatda 255 (2007- ci ildə 259), tikinti sahəsində 65 (2007 - ci ildə 67) bədbəxt hadisə qeydə alınıb. İstehsalat sektorunda ölənlərin sayı 72 nəfər, tikintidə 30 nəfər təşkil edib. 2007 - ci ildə qurbanların sayı, müvafiq olaraq, 128 və 66 nəfər olub.
"Tikinti sektorunda ölüm hallarının yarıyadək azalması işçilər üçün kursların təşkilinin davam etdirilməsi niyyətimizin düzgünlüyünü təsdiqləyir", - Şükürlü deyib.
Onun sözlərinə görə, tikinti sektorunda ölüm hallarının əsas hissəsi işçilərin yüksək mərtəbələrdən yıxılması ilə bağlı baş verir və bu, təhlükəsizlik tədbirlərinə əməl edilməməsi, eləcə də işçilərin peşə yönümünün uyğunsuzluğundan baş verib.
"Müəssisələr öz işçilərini öyrətməyə və təhlükəsizlik qaydalarına əməl etməyə başlasalar, belə ölümlərin sayını azaltmaq olar", - Şükürlü deyib.
Ümumilikdə 2569 müəssisədə dövlət nəzarəti həyata keçirilib ki, bu da 2007 - ci ildən 148 müəssisə çoxdur. Onlardan 1119 - u dövlət müəssisəsi, 1450 - si qeyri -dövlət müəssisəsidir.
Müəlliflə əlaqə saxlamaq üçün elektron ünvan: [email protected]
