Azərbaycan, Bakı, 06 fevral / Trend , müxbir N.İsmayılova/ "Avropa Yenidənqurma və İnkişaf Bankı (AYİB) 2009-cu ildə Azərbaycan iqtisadiyyatına 170 milyon dollar sərmayə qoymağı planlaşdırır. Bu isə ötən illə müqayisədə 50 faiz artım deməkdir", - Bankın Azərbaycandakı nümayəndəliyinin rəhbəri Frensis Deley bildirib.
"Doğrusu, hələ hansısa konkret layihələr haqda danışmaq tezdir, - Deley deyib, - ancaq AYİB, hətta ümumdünya maliyyə böhranına baxmayaraq belə Azərbaycanın maliyyə sektoruna və ölkənin qeyri-neft sektorunun inkişafına öz dəstəyini davam etdirəcək".
2008-ci ildə Bank 119 Azərbaycan layihəsinin həyata keçirilməsinə 114 milyon dollar ayırıb.
Ümumilikdə, AYİB Azərbaycanda 90 layihə həyata keçirib ki, bunlara qoyulan sərmayənin məbləği 1,2 milyard dollar təşkil edib.
Məqalə müəllifi ilə əlaqə ünvanı: [email protected]
