Azərbaycan, Bakı, 10 fevral / Trend , müxbir S.Babyeva/ "Azərbaycanın ən böyük metallurgiya müəssisəsi olan Baku Steel Company şirkəti (BSC) fevralın ikinci yarısında istehsalı bərpa edəcək. İstehsal yanvarın əvvəlində məhsula tələbat olmaması səbəbindən dayandırılmışdı", - çərşənbə axşamı BSC-dən deyilib.
"Bu gün şirkətin geniş iclası keçirilib. Biz gələn həftədən istehsalı bərpa etmək qərarına gəldik", - BSC-dən bildirilib.
2008-ci ildə şirkət xammal çatışmazlığı səbəbindən bir neçə dəfə fəaliyyətini dayandırmışdı.
BSC-də vurğulanıb ki, istehsal prosesinin dayandırılmasına baxmayaraq, müəssisəyə sutkada 200-800 ton xammal daxil olur. Nominal istehsal gücü üçün isə 1,5 min ton alınması gərəkdir.
Bu gün BSC-nin - ölkənin ən böyük vergi ödəyicilərindən birinin istehsal gücü ildə 350 min ton təşkil edir.
Məqalə müəllifi ilə əlaqə ünvanı: [email protected]