Azərbaycan, Bakı, 16 fevral / Trend / Azərbaycan bankı Unibank yeni pul köçürmə sistemi "Zolotaya Korona" ilə işə başlayıb. Bu barədə bank məlumat verib. "fevralın 13-dən bank yeni pul köçümə sistemi "Zolotaya Korona" dan istifadə edib. Bu barədə bankın pərakəndə xidmətləri üzrə meneceri Rəşad Mayılov xəbər verib. İşin birinci mərhələsində bu sistem vasitəsilə Unibank Azərbaycana pulların köçürülməsi xidmətini yerinə yetirəcək.
"Zolotaya Korona" sistemi sahəsində müştərilər pullarını rubl və ya dollarla götürə bilərlər. "Zolotaya Korona " pul köçürmə sistemindən əlavə Unibankda Western Union (2000-ci ildən), CONTACT (2006-cı ildən), Migom (2008-ci ildən), Faster (2007-ci ildən), Xp-money (2007-ci ildən), "Bıstroya Poçta" (2005-ci ildən) sistemləri də fəaliyyət göstərir.
2008-ci il ərzində Unibank-da pul köçürülmələrin dəyəri 27,5 mln. dollar təşkil edib.
"Pul köcürmə sistemi sahəsində ölkədən kənara 2,5 mln. dollar, ölkəyə isə 25 mln. dollar göndərilib. Beləliklə, 2008-ci ildə pul köçürmə sisteminə görə bankın dövriyyəsi 2007-ci illə müqayisədə 66,7 faiz artıb, 2007-ci ildə Unibank vasitəsilə 17 mln. dollar pul göndərilib və qəbul edilib. 2008-ci ildə pul köçürmə sistemi sahəsində bank 300 min dollar gəlir əldə edib. 2007-ci idə bu göstərici 180 min dollar olub.
Fevralın 16-a olan valyuta məzənnəsi: 0,8062 AZN/USD
