...

Özbəkistan Türkmənistana Xəzərsahili ərazilərdə turizmin inkişafında kömək edəcək

Biznes və iqtisadiyyat xəbərləri Materials 26 Fevral 2009 15:20

Trend-i buradan izləyin

Türkmənistan, Aşqabad, 26 fevral / Trend , müxbir E. Həsənova /

Özbəkistan qonşu Türkmənistanla xüsusilə Xəzərsahili ərazilərdə turizmin inkişafında maraqlı olduğunu bildirib.

Özbəkistan "Avaza" milli turizm zonasının tikintisi layihəsində iştirak etmək niyyətindədir, - yerli telekanal "Alatın Asır" Özbəkistan lideri İslam Kərimovun sözlərindən sitat gətirib. Bu barədə Özbəkistanın dövlət başçısı Daşkənddə bir gün əvvəl rəsmi səfərdə olan türkmən həmkarı Qurbanqulu Berdiməhəmmədovla görüşdən sonra bildirib.

Görüşün önəmli nəticələrindən biri "Özbəkturizm" şirkəti və Türkmənistanın Turizm və İdman Komitəsi arasında turizm sahəsində əməkdaşlıq müqaviləsinin bağlanması olub.

"Yaxın illərdə Xəzər sahilində milyardlarla dollar sərmayə yatırılmış "Avaza" məkanında beynəlxalq səviyyəli kurort fəaliyyər göstərəcək. Hesab olunur ki, Xəzərsahili zona faydalı iqlimi, qızılı sahilləri, dəniz laqunaları, tarixi və mədəniyyət abidələri ilə, xalq adət-ənənələri ilə turistlərin diqqətini cəlb edəcək", - Berdiməhəmmədov bildirib.

Türkmənistan başçısının qərarına əsasən, milli turizm zonalarının yaradılması üçün yarım kilometrlik sahil zonasının ən yaxşı çimərlik əraziləri ayrılıb. Bu məkan sahil boyunca 16 kilometr uzanır. İstirahət zonasının ümumi ərazisi 1700 hektar təşkil edir. Otel kompleksindən əlavə burada stadion, biznes və ticarət mərkəzləri, "Möcüzə dünyası" adlı uşaq əyləncə parkı, onlarla akvapark inşa olunacaq.

Məqalə müəllifi ilə əlaqə ünvanı: [email protected]

Xəbər lenti

Xəbər lenti