...

Azərbaycanın Standartlaşdırma üzrə Dövlət Komitəsi yeni standartları təsdiq edib

Biznes və iqtisadiyyat xəbərləri Materials 6 Mart 2009 17:51 (UTC +04:00)

Azərbaycan, Bakı, 06 mart / Trend , müxbir S.Babayeva /

"Azərbaycan Respublikasının Standartlaşdırma, Metrologiya və Patent üzrə Dövlət Komitəsi cari ilin fevral ayı ərzində üç yeni yeyinti məhsulu standartını təsdiq edib.Bunlar AZS 328-2008, AZS 329-2008, AZS 330-2008 standartlarıdır", - Dövlət Komitəsindən bildirilib. 

AZS 328-2008 standartı dadverici qatqılar əlavə edilməklə hazırlanan, birbaşa qida məhsulu kimi istifadə üçün nəzərdə tutulan süd məhsullarına, AZS 329-2008 standartı ictimai iaşə müəssisələri üçün, həmçinin sahibkar vətəndaşlar tərəfindən istehsal edilən və satış üçün nəzərdə tutulan yerkökü salatlarına, AZS 330-2008 standartı isə müxtəlif makaron məmulatlarına və kip bağlanan qablara doldurularaq sterilizasiya edilən ət-bitki konservlərinə tətbiq ediləcək.

Azərbaycanın Standartlaşdırma, Metrologiya və Patent üzrə Dövlət Komitəsi standartlaşdırma, metrologiya, sertifikatlaşdırma və sənaye mülkiyyəti üzrə obyektlərin mühafizəsi sahələrində dövlət siyasətinin formalaşdırılması və aparılması üzrə mərkəzi orqandır.

Məqalə müəllifi ilə əlaqə ünvanı: [email protected]

Xəbər lenti

Xəbər lenti