...

Yaxın günlərdə Horadiz dəmir yolu ilə hərəkət edən qatarların hərəkəti dayandırılacaq

Biznes və iqtisadiyyat xəbərləri Materials 6 Mart 2009 20:35 (UTC +04:00)

Azərbaycan, Bakı, 06 mart / Trend , müxbir E.İsmayılova /

Martın 14-ü saat 08:00-dan martın 17-si saat 08:00-a kimi Saatlı-Becər (Azərbaycanın cənub-qərb regionu) istiqamətində hərəkət edən bütün qatarların hərəkəti bu istiqamətin 98 kilometrliyində yerləşən Araz çayı üzərindən keçən körpünün metalkonstruksiya hissələrinin dəyişdirilməsi və təmiri məqsədilə dayandırılacaq, - bu barədə cümə günü Azərbaycan Dövlət Dəmiryolunun Mətbuat Xidmətinin başçısı Nadir Əzməmmədov bildirib.

Xüsusilə Bakı-Horadiz-Bakı sərnişin qatarının hərəkəti dayandırılacaq.

"Bu sahədə iki istiqamətli iki körpü var. Ötən il körpülərdən birinin təmiri həyata keçirilib.Təmir işlərinin keçirilmə səbəbi bu körpülərin 1928-ci ildə inşa edilməsi, bu səbəbdən də metal konstruksiyaların çoxunun köhnəlməsi ilə bağlıdır", - deyə Əzməmmədov bildirib.

Körpünün təmirini "Azərkörpü"ASC həyata keçirəcək.

Məqalə müəllifi ilə əlaqə ünvanı: [email protected]

Xəbər lenti

Xəbər lenti