Gürcüstan, Tbilisi, 7 mart/ Trend , müxbir N.Kirtsxalyia/
Amerika Birləşmiş Ştatlarının Gürcüstan üçün nəzərdə tutduğu 1 milyard dollar məbləğində yardım çərçivəsində 700 milyon dolların ayrılmasını müzakirə etmək məqsədi ilə Gürcüstanın maliyə naziri Kaxa Bainduraşvili Vaşinqtona rəsmi səfər edib.
Nazirin sözlərinə görə, ABŞ sözü gedən məbləği Gürcüstan-Cənubi Osetiya münaqişəsinin fəsadlarını aradan qaldırmaq məqsədi ilə ayırıb. Gürcüstan üçün nəzərdə tutulan 1 milyard dollar məbləğində olan yardımın 300 milyonunu ötən il ayrılıb.
"Biz bu vəsaitin nəyə xərcləndiyi barədə hesabat təqdim edirik və yerdə qalan məbləğə isə yeni layihələr təklif edirik", - nazir qeyd edib.
Bainduraşvili Vaşinqtonda Ameikanın beynəlxalq inkişaf ağentliyinin (USAID) və ABŞ xəzinədarlığının nümayəndələri ilə görüşlər keçirib. Nazir həmçinin ABŞ-ın Dövlət departamentində, Gürcüstana ayrılmış 4,5 milyard dolların donorları olan Dünya Bankının və Beynəlxalq valyuta fondunun ofislərində də görüşlər keçirməyi planlaşdırır.
Məqalə müəllifi ilə əlaqə ünvanı: [email protected]